Kven kan melde inn bekymring?
Pårørande kan melde inn bekymring som gjeld personar som har omfattande og vedvarande rusmiddelproblem. Denne retten er grunngitt i Lov om helse- og omsorgstenester §10-1.
Korleis melder eg inn ei bekymring?
Du kan sende ei skriftleg bekymring til psykisk helse- og rustenesta. Vi minner om at sensitive opplysningar må ikkje sendast i e-post. Slik sender du brev og dokument på ein sikker kanal via eDialog.
Du kan også ringe Anne-Marie Aasen.
Kva skjer etter at eg har meldt inn ei bekymring?
Når du har meldt inn ei bekymring har vi plikt til å greie ut saka, vurdere alvorsgrada og om det eventuelt er grunnlag for å fremje sak til fylkesnemnda om tvang (hald tilbake i inntil 3 månader).
I utgreiinga pleier kommunen vanlegvis å kontakte personen bekymringa gjeld, i tillegg til å innhente informasjon frå relevante partar. Dette må personen samtykkje til.
Målet vårt er å få til eit samarbeid med den som rusar seg om frivillig hjelp, men i nokre situasjonar kan det likevel vere nødvendig med bruk av tvangstiltak.
Som pårørande har du krav på ei skriftleg tilbakemelding når saka er ferdig greidd ut.