Statsforvaltaren i Møre og Romsdal inviterer til statsborgarseremoni i 2026 for alle som fekk innvilga norsk statsborgarskap i perioden 1. januar 2025 til 1. mars 2026. I 2025 fekk fylket om lag 1200 nye norske statsborgarar – og seremonien er ei fin anledning til å ønskje alle velkomne inn i fellesskapet.
Ei høgtideleg og minnerik markering
Statsborgarseremonien er ei offisiell og høgtideleg markering av overgangen til norsk statsborgarskap. Her blir det talar, kulturelle innslag og ei felles avlegging av truskapsløftet til Noreg.
Seremonien løftar fram verdiane som samlar oss – fellesskap, tilhøyrsle og demokrati – og gir ei ramme for å feire saman med andre nye statsborgarar, familie og vener.
Kven kan delta?
Du kan delta dersom du:
- har fått norsk statsborgarskap mellom 1. januar 2025 og 1. mars 2026
- er over 12 år
- har fått invitasjon
Det er frivillig og gratis å delta. Kvar deltakar kan ta med seg inntil to gjester.
Når og kvar skjer det?
I 2026 blir det arrangert to seremoniar i Møre og Romsdal:
- Ålesund: Laurdag 5. september 2026 (for kommunane på Sunnmøre)
- Kristiansund: Søndag 6. september 2026 (for kommunane i Romsdal og på Nordmøre)
Invitasjon og påmelding
Digitale invitasjonar blir sende ut i løpet av mai 2026. Invitasjonen vil innehalde informasjon om kva for seremoni du er invitert til, og korleis du melder deg på.
Vi oppmodar alle inviterte om å svare så snart som mogleg etter at invitasjonen er motteken.