Solveig Kloppen og Kjartan Brügger Bjånesøy kjem til Ålesund bibliotek torsdag 10. september.
Jarran Flokkmann og Agnete Brun
Arrangementet markerer Verdsdagen for sjølvmordsførebygging og blir gjennomført i samarbeid med LEVE.
Kveldens gjester er journalist og TV-programleiar Solveig Kloppen og ektemannen, journalist og forfattar Kjartan Brügger Bjånesøy.
Om sorg, tap og openheit
Solveig Kloppen vil fortelje om korleis det var å miste systera si i sjølvmord, og om korleis sorga endra livet for henne og familien. Saman vil Kloppen og Bjånesøy snakke om sorg, tap og kor viktig det er å vere open om det som er vanskeleg.
Bjånesøy vil også trekkje inn erfaringar frå boka «Den siste vakten», som handlar om menneske i livets siste fase og dei som står dei nær. Etter samtalen blir det boksignering i samarbeid med Norli.
Samtale og musikk
Samtalen blir leia av Robert Botn, som er forfattar og musikar. Han er kjend frå kulturscena i Ålesund, mellom anna gjennom framsyninga Psykt Poetisk, og arbeider til dagleg som lærar i norsk og religion og etikk i vidaregåande skule.
Det blir også musikalsk innslag ved Maria Bjørkavoll, kjend frå The Voice.
Gratis og ope for alle
Arrangementet er støtta av SpareBank 1 SMN, Sparebanken Møre og Kjell Holms stiftelse.
Praktisk informasjon
- Kva: Livet etter sjølvmord – samtale med Solveig Kloppen og Kjartan Brügger Bjånesøy
- Når: Torsdag 10. september 2026
- Tid: Kl. 19.00–20.30
- Stad: Ålesund bibliotek
- Pris: Gratis og ope for alle