Ei av overføringsleidningane til Kongshaugen reinseanlegg går frå Breivika oppover til Moa og ned til Åsefjorden. Det aller meste av leidninga er ferdig lagt, men no startar ein på strekket frå området ved Circle K på Moa, over E136 og oppover langs Vestmoa til parkeringsplassen ved Spjelkavik kyrkje.
For å få lagt leidninga, må ein grave over E136. Det skal etter planen skje natta til onsdag 24. juni og natta til torsdag 25. juni. Stenginga blir mellom klokka 20.15 og 06.00.
I denne perioden må trafikken gå over Langelandsvegen eller Lerstadvegen.
I ein kortare periode i sommar vert også nokre få av parkeringsplassane på parkeringsplassen ved Moa helsehus/Thon Senter Moa berørt av gravearbeidet.
Meir om Kongshaugen reinseanlegg og overføringsnettet finn du på www.blafjordar.no