Kristin Graskopf Ose
Fritak frå eigedomsskatt for studentbustader
Formannskapet tilrådde overfor kommunestyret å gi Studentsamskipnaden i Ålesund (Sit) fritak frå eigedomsskatt etter § 7a i eigedomsskattelova for skatteåret 2026. Fritaket gjeld Sit sine studentbustadar i Ålesund, og vart enstemmig vedtatt.
Midlertidig utvida skjenketid under fotball-VM 2026
For å legge til rette for arrangement og publikumsfasilitetar i samband med fotball-VM 2026, vedtok kommunestyret å støtte kommunedirektøren si innstilling om midlertidig endring i skjenketidene.
Den midlertidige ordninga gjeld 11. juni–19. juli 2026, og inneber følgjande:
- Utvida skjenketid for alkoholhaldig drikk fram til kl. 06.00, med tilsvarande opningstid.
- Ordninga omfattar berre drikke i gruppe 1 og 2 (2,5–22 volumprosent alkohol).
- Utvida tid gjeld berre for skjenkestader som viser direktesending av VM-kampar innandørs, og som har serveringsbevilling, tilstrekkeleg bemanning og godkjent vakthald.
- Utvida skjenking gjeld ikkje uteareal med mindre særlege forhold ligg til rette.
- Skjenkestadar må søke om utvida skjenketid – ordninga er ikkje generell. Kommunedirektøren får mynde til å avgjere søknadane.
Innbyggarforslag om trygg trafikkløysing på Stette
Eit innbyggarforslag om tryggare trafikkforhold i Stette-området vart behandla av kommunestyret, som sluttar seg til kommunedirektøren si vurdering.
Sjølv om innbyggarforslaget berre delvis oppfyller lovkrava i kommunelova § 12 1 – sidan det i hovudsak gjeld fylkesveg og dermed ligg under fylkeskommunen – vert det likevel teke opp til behandling. Formannskapet tilrår at kommunestyret gjer følgjande vedtak:
- Kommunedirektøren skal følgje opp punkt 6.1 i innbyggarforslaget om trygg skuleveg i samband med arbeidet med kommunens trafikktryggingsplan. Planen er venta handsama i kommunestyret i løpet av 2026.
- Initiativtakarane vert oppmoda om å sende innbyggarforslaget vidare til fylkeskommunen for handsaming, sidan hovuddelen av tiltaka gjeld fylkesveg 661 og 526.
- Ålesund kommune vil så langt som mogleg støtte opp om arbeidet for å etablere ei trygg og god trafikkløysing for alle som bur i Stette-området.
Sjå alle vedtak, eller sjå opptak frå møtet.