Kommunestyret og ordfører ved podiet
Ålesund kommune
Ordinært kommunestyremøte startar kl. 14.00 medan prisutdelinga er ca. kl. 15.30 før det blir vanleg kommunestyremøte igjen. Du kan følge begge deler på Kommune-TV.
Formannskapet dreg blant anna fram dette i si grunngiving for heidersprisen:
Arne og John Arne Lerstad har gjennom fleire tiår vist eit heilt ekstraordinært engasjement for lokalmiljøet på Lerstad og for byen samla sett. Som far og son har dei saman vore drivkrefter for frivillig arbeid, fellesskap og læring – alltid med opne armar og eit stort hjarte for både menneske og dyr.
Innsatsen deira femnar breitt. Dei har i mange år bidrege aktivt i korpset, på skulen og i ei rekkje lokale tiltak. Eit av dei mest verdifulle prosjekta dei har skapt, er samarbeidet med Lerstad barneskule. Gjennom fleire år stilte dei eiga jord til disposisjon for elevane sin «potetåker» – eit unikt læringsprosjekt som la grunnlaget for tradisjonen «Potetens dag».
Med sitt brennande hjarte for fellesskapen, rausheita si og det mangeårige bidraget sitt til barn, ungdom og lokalsamfunn, er Arne og John Arne Lerstad svært verdige mottakarar av Heidersprisen 2025.
Les fleire detaljar om heidersprisen på nettsidene våre.
Mottak av flyktningar
Integrerings- og mangfaldsdirektoratet (IMDi) har bedt Ålesund kommune om å ta imot 140 flyktningar i 2026, og av desse fem av plassane til busetting av einslege mindreårige mellom 15 og 18 år. Formannskapet tilrår at kommunestyret vedtar mottak av 100 flyktningar, og at fem av desse kan vere mindreårige einslege flyktningar.
Forsterka bustader
Ålesund kommune planlegg etablering av Forsterka bustader helse på Kverve/Ellingsøy. Prosjektet omfattar bygging av åtte bemanna bueiningar for personar med store og samansette omsorgsbehov.
Formålet er å samla dagens spreidde tilbod i eit moderne og effektivt bygg med betre bygningsstandard og betre arbeidsforhold for tilsette. Kommunestyret skal torsdag ta stilling til byggjeprogrammet som styret i Ålesund kommunale eigedom KF foreslår.
Nokre av dei andre sakene på saklista:
- Tilstandsrapport for Ålesund barnevern 2024
- Rapport forvaltningsrevisjon 2025 – Personalressursforvaltning og arbeidsmiljø - Sak frå kontrollutvalet
- Ålesund kommune-Driftstilskot veterinærvakt-Ørskog veterinærvaktområde
- Gang- og sykkelveg Humla /Tørla – ny gangbro over Tjørsundet – auka økonomiske rammer
- Haukåsen næringspark - gbnr. 690/24 og 25 - Hydrogenanlegg - Detaljregulering - Politisk sluttbehandling
- Spjelkavik Idrettslag - betalingsparkering og søknad om feste - gbnr 22/120 og 22/123
- Ratvika - Prinsen Boligfelt - utbyggingsavtale og fråvik mva fordeling
- Heilskapleg risiko- og sårbarhetsanalyse 2025 og overordna beredskapsplan 2025
- Interpellasjon frå Svein Rune Johannessen (AP) – Hatlane omsorgssenter
Les sakspapir.
Følg møtet direkte på Kommune-TV
Møtet blir sendt direkte på kommune-tv frå klokka 14.00. I Bystyresalen er det fleire kamera, og du kan trykke lengst nede på videobildet for å velje kva kamera du vil sjå.
Sjå møtet direkte.