Sunniva Rogne
I perioden 20. mars - 5. mai vert Ålesund bibliotek stengt på grunn av bygningsarbeid. Vi oppmodar om å nytte Moa bibliotek så langt som råd i denne perioden. Ved Moa bibliotek kan du låne og levere bøker, kopiere og skrive ut, lese aviser og delta på faste arrangement og aktivitetar.
Lån og innlevering
- I stengeperioden vil du ikkje kunne reservere bøker som tilhøyrer Ålesund bibliotek. Du kan heller ikkje velgje Ålesund bibliotek som henteavdeling når du bestiller bøker i Bibliofil-appen eller på Mi side.
- Nokre få bøker, som er bestilte frå andre bibliotek eller som er reserverte lenge før stengingsperioden, vil ein likevel få moglegheit til å hente i Ålesund. Dei lånarane som dette gjeld, vil få ei melding om det.
- Alle utlån ved Ålesund bibliotek har blitt forlenga til 12. mai. Om du likevel vil levere i stengeperioden, kan du anten levere i innleveringskassa utanfor biblioteket, eller ved Moa bibliotek.
- Dersom lånet ditt ikkje har blitt forlenga, kan du kontakte biblioteket.
- Bøker som tilhøyrer andre bibliotek, har ikkje forlenga utlån. Desse må leverast inn ved Moa bibliotek, eller i innleveringskassa.
Arrangement og aktivitetar
Dei faste arrangementa til biblioteka vil finne stad i lokala til “Sydvesten”, som ligg i første etasje på høgblokka (Rådhuset). Dette gjeld til dømes strikkekafe, språkkafe, høgtlesing og leksehjelp. Tidspunkta for dei faste aktivitetane er dei same som alltid. Du finn framleis oversikt over desse i kalenderen her på heimesida:
Kva skjer? Kalender for Ålesundsbiblioteka
Biblioteket vil også arrangere aktivitetar for barn i “Sydvesten”- lokala i tidsrommet mellom kl. 15.00 og 18.00 dei fleste vekedagar. Lær å kode, planteverkstad og teikne-workshop er døme på slike aktivitetar.
Avislesarane våre vil kunne lese aviser på Innbyggartorget, i første etasje på Rådhuset. Vi vil ikkje kunne ha det same store utvalet av aviser som vi har på biblioteket, men ein vil finne dei største nasjonale og regionale avisene der, slik som VG, Dagbladet, Sunnmørsposten, Romsdals budstikke og Tidens krav.
Kontakt
Om du treng å kome i kontakt med biblioteket i den perioden vi held stengt, kan du anten sende epost til alesund.bibliotek@alesund.kommune.no, eller ringe Moa bibliotek på tlf. 70 16 45 30.