I samsvar med plan- og bygningslova §§ 12-8 og 12-14 blir det varsla på nytt at det er sett i gang arbeid med detaljregulering for Daaevegen, gbnr. 51/234 mfl., i Ålesund kommune.
Det blir vist til tidlegare varsel om oppstart av detaljregulering, datert 09.11.2023. Ny varsling blir gjennomført fordi planane er endra, og fordi det har gått lang tid sidan førre varsling.
Endringane i planarbeidet inneber at det tidlegare planlagde næringsbygget nordaust i planområdet ikkje lenger er aktuelt. I staden er det planlagt å utvide bustadblokka i sør mot nordaust. Som varsla tidlegare skal eksisterande næringsbygg førast vidare utan endringar i byggehøgdene. Det er framleis planlagt bustadblokker med avtrappande høgder mot sør, parkeringskjellar under store delar av området, parkering på terreng, uteopphaldsareal og leikeareal.
I kommunedelplanen er den nordlege delen av planområdet sett av til kombinert busetnad og anlegg, medan den sørlege delen er sett av til noverande bustader. I gjeldande reguleringsplan, Spjelkavik del 2 frå 1984, er den nordlege delen sett av til forretning, kontor med meir, medan den sørlege delen er sett av til bustadformål. I tillegg er det regulert vegareal innanfor plangrensa. Arealbruken i kommunedelplanen gjeld framfor den eldre reguleringsplanen. Plangrensa er vist i kartutsnittet. Det kan kome mindre justeringar i plangrensa som følgje av innspel til planarbeidet.
Oversiktskart, planområdet vist med raud stipla linje
DOKUMENT FOR NEDLASTING (PDF)
Lenke til kart/plandialog i ISY Map
Planarbeidet er vurdert etter forskrift om konsekvensutgreiingar og er, i samråd med Ålesund kommune, vurdert til ikkje å vere konsekvensutgreiingspliktig.
Oppstartsmøte med kommunen vart halde 11.05.2023. Det vart også halde eit oppfølgingsmøte 21.11.2025.
Ramma grunneigarar og naboar blir varsla direkte i eige brev. Planinitiativet er oppdatert før varslinga for å sikre eit godt informasjonsgrunnlag.
Oppstartsmeldinga kan lesast på nettsidene www.proess.no
Eventuelle innspel til planarbeidet skal vere skriftlege og kan sendast slik :
- Med post til proESS AS, Brusdalsvegen 20, 6011 ÅLESUND
- På e-post til post@proess.no
Frist for innspel: 05.06.2026