Statsforvaltaren i Møre og Romsdal har endra Ålesund kommune sitt utsleppsløyve for avløpsvatn. Vedtaket er datert 6. mars 2025.
Endringa i løyvet gjeld overgangsordning for reinseanlegg som skal overførast til Kongshaugen reinseanlegg. Nytt punkt i løyvet gjeld krav om reinsing før tilknyting til eksisterande leidningsnett for ny/utviding av busetnad.
Kopi av løyvet og innsyn i saksdokumenta kan ein få ved å vende seg til Statsforvaltaren i Møre og Romsdal eller Ålesund kommune.
Løyvet kan du også lese her. (PDF, 640 kB)
Partar i saka eller andre med rettsleg klageinteresse kan klage på vedtaket til Miljødirektoratet innan tre veker. Ei eventuell klage skal sendast til Statsforvaltaren i Møre og Romsdal.