Olje- og feittutskiljar

Oljehaldig avløpsvatn skal reinsast for olje i eit oljeutskiljaranlegg før utslepp eller påslepp til kommunal leidning for spillvatn

Kven skal ha oljeutskiljar?

Verksemder som har vaskeplass, smørjehall, servicehall eller liknande må ha oljeutskiljar

Det kan vere:

• bensinstasjonar
• vaskehallar for køyretøy
• motorverkstader
• bussterminalar
• verkstader og klargjeringssentralar for køyretøy, anleggsmaskiner og skinnegåande materiell
• anlegg for understellsbehandling

Kommunen kan, som eigar av leidningsnett og reinseanlegg, krevje at andre typer verksemder som har påslepp til avløpsnettet installerer oljeutskiljar.

Korleis søke om utslepp-/påslepp av oljehaldig avløpsvatn?

Før installasjon av ny eller utskifting av oljeutskiljar skal det sendast inn søknad:

 Her kan du søke om utslepps-/påsleppsløyve for oljehaldig avløpsvatn.

Kva treng du å gjere med oljeutskiljaren?

Du må inngå avtale med føretak som kan sørge for tøming, service og prøvetaking av oljeutskiljaren. Oljeutskiljar og  sandfang skal tømast etter råd frå produsenten, men minst ein gong i året. Det skal takast representativ prøve av vatn ut frå oljeutskiljaren. Alle oljeutskiljarar skal derfor ha prøvetakingskum. 

Internkontrollsystemet til verksemda skal ha ein skriftleg avtale om tøming, service/kontroll og prøvetaking av alle oljeutskiljaranlegg. Dersom avtalen opphøyrer eller blir endra, skal du melde i frå om dette til kommunen. Service/kontroll, tøming og prøvetaking skal gjerast av føretak med nødvendig kompetanse og utstyr. Utskilt olje og sand/slam frå sandfang og utskiljar er farleg avfall og må deklarerast og leverast til godkjent mottak. 

Utsleppskrav

Oljeinnhaldet skal ikkje overstige 50 mg/l.

Korleis skal du rapportere?

For alle verksemder med påslepp av oljehaldig avløpsvatn skal alle kontrollar, tømmingar, prøvetakingar og analyseresultat rapporterast til kommunen digitalt. Dette gjer bedrifta du har service/kontroll og tømeavtale med, gjennom operatørportalen.

Gebyr

Du betaler årsgebyr for kontroll/tilsyn ut frå gjeldande betalingsregulativ.

Regulativet er ein del av Forskrift om gebyr for saksbehandling, kontroll og tilsyn etter forureiningsregelverket som gjeld gebyr for saksbehandling i kommunen og tilsyn/kontroll etter forureiningsforskrifta kapittel 15 og 15A.

I tillegg til årsgebyr skal du også betale eit eingongsgebyr for saksbehandling når du søkjer om om løyve til utslepp/påslepp av oljehaldig avløpsvatn. 

Meir informasjon og regelverk

• Faktaark M-30: Drift av oljeutskillere (Miljødirektoratet)   (PDF, 345 kB)
• Forurensningsforskriften kapittel 15 (PDF, 116 kB)
• Forurensningsforskriften kapittel 15A (PDF, 369 kB)
• Veileder Miljøblad nr. 120 Olje- og bensinutskilleranlegg (PDF, 383 kB)

Utslepp av feitt lagar problem for drift av rør, pumper og reinseanlegg. 

Kven skal ha feittutskiljar?

Verksemder som serverer eller produserer mat skal ha installert feittutskiljar slik at feitt blir skilt ut og ikkje slepp ut på avløpsnettet.

Eksempel på verksemder som må ha feittutskiljar:

• Restaurantar
• Kaféar og konditori
• Catering og ferdigmatprodusentar
• Gatekjøkken og kioskar
• Pizza- og hamburgarbarar
• Kantiner
• Slakteri
• Kjøttforedlingsbedrifter
• Fiskeforedlingsbedrifter
• Hermetikkindustri
• Margarin- og matoljeindustri
• Friteringsindustri
• Bakeri
• Meieri
• Røykeri
• Matbutikkar med steike-/grillavdeling

Lista er ikkje fullstendig.

Korleis søker du om påslepp av feitthaldig avløpsvatn?

Før installasjon av ny eller utskifting av feittutskiljar skal det sendast inn søknad:

Søk om påslepp av feitthaldig avløpsvatn 

Kva treng du å gjere med feittutskiljaren?

Du må inngå avtale med et tømefirma for regelmessig tømming av feittutskiljar tilpassa bruken.

Internkontrollsystemet til verksemda skal ha ein skriftleg avtale om service/kontroll og tøming, kor ofte de skal vere kontroll og tøming. Kommunen skal ha kopi av denne avtalen. Kommunen skal også ha melding dersom avtalen opphøyrer eller blir endra.

Service/kontroll og tømming skal gjerast av bedrifter med nødvendig kompetanse og utstyr. Temperatur på vatn ut frå feittutskiljaren skal alltid målast ved tøming og må ikkje overstige 30°C.

Frityrfeitt

Frityrfeitt stivnar veldig raskt og skal aldri tømast i avløpet, men må leverast til godkjent mottak eller hentast etter avtale.

Korleis skal du rapportere?

For alle verksemder med påslepp av feitthaldig avløpsvatn skal alle kontrollar, tømingar og temperaturmålingar rapporterast til kommunen digitalt. Dette gjer bedrifta som du har service-kontroll og tømeavtale med, gjennom operatørportalen.  

Årsgebyr 

Du betaler årsgebyr for kontroll/tilsyn ut frå gjeldande betalingsregulativ.

Regulativet ligg i Forskrift om påslepp av feitthaldig avløpsvatn til offentleg avløpsnett, Ålesund kommune, Møre og Romsdal  (PDF, 144 kB)

Forskrifta gjeld mellom anna gebyr for kommunens saksbehandling av og kontroll/tilsyn med påslepp av feitthaldig avløpsvatn frå verksemd etter forurensningsforskriften § 15A-4 og lokal forskrift om påslepp av feitthaldig avløpsvatn til offentlig avløpsnett.

Meir informasjon

• Rettleiar for feittutskilleranlegg