Viktige datoar ved stortings- og sametingsvalet i 2025
- 1. juli–8.august: Tidlegstemming.
- 11. august–5. september: Førehandsstemming.
- 4. september: Siste frist for å søke om å få stemme heime (før kl. 12.00).
- 8. september: Valdag i Ålesund (kl. 10.00 - 21.00).
For å kunne stemme må visse kriterium vere oppfylt.
Tidlegstemming
I perioden 1. juli til 8. august kan du tidlegstemme på følgande stader og tider:
- Innbyggartorget på Steinshamn ordinær opningstid
Måndag – torsdag kl. 09.00 – 14.30. (stengt 11.30 - 12.00)
NB! Stengt veke 30. - Innbyggartorget på rådhuset i Ålesund ordinær opningstid
Måndag til fredag kl. 09.00 – 15.30 - Biblioteket på Moa ordinær opningstid.
Måndag - fredag kl. 10.00 - 16.00
Laurdag kl. 10.00 - 15.00 (stengt laurdag 05.07.2025)
Ordninga er tenkt for deg som ikkje har høve til å stemme innanfor førehandsstemmeperioden eller på valdagen 8. september.
Førehandsstemming
Ordinær førehandsstemming startar 11. august og varer til og med fredag 5. september. Sjå opningstider og plassering av lokale for førehandsstemming.
Opningstider i ulike vallokale på valdagen
Måndag 8. september har Ålesund kommune opne ni ulike stemmelokale:
Sjå opningstider og plassering av stemmelokale valdagen.
Så sant du er registrert i folkeregisteret i Ålesund kommune innan fristen (sjå nedanfor om manntal) kan du velje fritt kva av desse lokala du vil stemme i. Det er altså ikkje slik at du må møte opp i din eigen stemmekrets, for eksempel kan du stemme i det lokalet som er nærast der du jobbar.
Manntal for stortingsvalet
Du er innført i manntalet i den kommunen du er registrert i Folkeregisteret som busett 30. juni 2025.
Manntalet både for stortingsvalet og for sametingsvalet ligg ute til offentleg ettersyn på rådhuset frå 11. juli.
Du kan kontrollere om du er innført i manntalet ved å kontakte kommunen din, anten per telefon, e-post eller oppmøte på rådhuset.
Manntal for sametingsvalet
Manntalet ligg ute til offentleg ettersyn på rådhuset frå 9. juli.
Les meir om sametingsvalet.