Slik brukar du kommune-TV

Møta i formannskapet og kommunestyret kan du sjå og høyre i KommuneTV. Dette gjeld også planutvalet når møta er på rådhuset. 

Når direktesendinga er over, vil opptaka frå dei politiske møta bli redigert, publisert og teksta. Opptaka vil ligge tilgjengeleg i heile kommunestyreperioden, og truleg i fleire år vidare.

Møta i dei tre hovudutvala blir ikkje sendt med video. Dette fordi møta ofte ikkje er i lokale med kamera, men også av økonomiske årsaker.  I KommuneTV kan du likevel sjå både forslag og vedtak undervegs i utvalsmøta - så sant voteringsløysinga blir brukt under gjennomføringa.

Historisk sett har berre eit fåtal i samfunnet hatt innsyn i korleis dei politiske prosessane utspelar seg. I dag er det lettare enn nokon gong å følgje med.

Dette er positivt for alle, men særleg for dei som har ulike funksjonsnedsettingar. 

Gjennom KommuneTV levert av Aventia har innbyggarane i Ålesund lett tilgang til direktesendingar og opptak frå tidlegare møte.   

Når politiske møte blir sendt:  

• Er alle saksdokument festa til bokmerke.  
• Vert forslag festa til bokmerke, med forslagsstillar. Dette gjeld både forslaga som er innsendt før og undervegs i møtet.  
• Vert alle vedtak festa til bokmerke fortløpande, med stemmetal og fullstendig liste over kven som har stemt kva.    
   

Ein kan sjå:  

• Skriftleg oversikt over kven som hadde ordet i løpet av møtet   
• Protokoll med vedtak og prosedyre.  Dette vert lagt ut i etterkant  
   

Trykk på CC-knappen for å få tekst

For å gi betre tilgang til personar med nedsett høyrsel har kommunen frå 23. januar i 2024 tatt i bruk eit automatisk teksteprogram. Sjølv om nokre detaljar kan bli feil, er det eit stort steg i rett retning med å gjere dei politiske prosessane meir tilgjengelege.

CC-knappen på KommuneTV

For å bruke den automatiske tekste-funksjonen må du trykke på CC-knappen i nedre høgre hjørne i videovindauget. Der må du velje tilgjengeleg tekstspråk.

I Bystyresalen er det fleire kamera. Du kan difor velje ulik kameravinkel på sendingane frå møta som blir sendt frå Bystyresalen. Knapp for desse finn du nede til venstre i strøymebildet. 

Trykker du på Prosjektor B i bystyresalen eller Prosjektor F i formannskapssalen får du sjå nærbilde av det som blir presentert på lerret eller storskjerm.

Skjermbilde frå KommuneTV

Sakene blir tilgjengelege når dei blir publisert på heimesidene til kommunen. Det vil seie ei veke før møtet.

Når ein medlem legg inn i KommuneTV eit forslag, blir dette tilgjengeleg med det same. Kor mange forslag som er lagt inn, ser du ved sidan av symbolet som viser ei klubbe. 

Når ein bruker digital votering i eit møte, kan du sjå resultatet av avstemminga undervegs og når denne er gjennomført.

• På høgresida av videobildet ser du alle dei politiske sakene.
• Kvar sak viser ei oversikt over forslaga, kven som har hatt ordet og korleis voteringa(ne) gjekk. 
   

Klikk på dei ulike symbola for å hente fram detaljar som teksten i dei ulike forslaga, kva representant som har stemt kva, og kva som blei vedtatt. Du kan også velje å klikke på opptak av enkeltinnlegg frå dei ulike representantane.

I etterkant av møtet, kan du sjå innlegga til dei enkelte medlemmane på kvar sak. Du går inn på saka, klikker på symbolet for innlegg og så vidare på innlegget frå den enkelte medlem.

I dømet under ser du at det var 7 innlegg på ei sak