Medverknad

I ein kommuneplanprosess er det ikkje berre sjølve planproduktet som er viktig. Samfunnsdebatt, engasjement og planforståing er også mål i seg sjølv.  Ålesund kommune ønskjer å legge rette for eit aktivt lokaldemokrati der det skal være interessant å delta og ikkje minst enkelt å gi innspel. Det vil vere fleire høve til medverknad undervegs i  planprosessen. 

Når kan du medverke?

Medverknad  vil i hovudsak skje i tre fasar av prosjektet 

1. ved oppstart av planarbeid og høyring av planprogram. Her kan innbyggarar og interessentar komme med innspel til oppstart. I tillegg blir det lagt opp til gjennomføring av regionalt planforum i høyringsperioden og interne medverknadsmøter.
2.  ved utarbeiding av kommuneplanen sin arealdel (planfasen). Det blir lagt opp til medverknad gjennom møter/dialog med innbyggarar, næringsliv osv.  Ein plan for medverknad i denne fasa blir utarbeidd og informert om.
3.  ved offentleg høyring av utarbeidd planforslag.

Sjå fasane i framdriftsplanen