Medverknad

Her finn du informasjon om korleis du kan medverke i planarbeidet i ulike delar av prosessen.

I ein kommuneplanprosess er det ikkje berre sjølve planproduktet som er viktig. Samfunnsdebatt, engasjement og planforståing er også mål i seg sjølv.  Ålesund kommune ønskjer å legge rette for eit aktivt lokaldemokrati der det skal være interessant å delta og ikkje minst enkelt å gi innspel. Det vil vere fleire høve til medverknad undervegs i  planprosessen. 

Når kan du medverke?

Medverknad  vil i hovudsak skje i tre fasar av prosjektet 

  • Fase 1: ved oppstart av planarbeid og høyring av planprogram. Her kan innbyggarar og interessentar komme med innspel til oppstart. I tillegg blir det lagt opp til gjennomføring av regionalt planforum i høyringsperioden og interne medverknadsmøter.
  • Fase 2: ved utarbeiding av kommuneplanen sin arealdel (planfasen). Det blir lagt opp til medverknad gjennom møter/dialog med innbyggarar, næringsliv osv.  Ein plan for medverknad i denne fasa blir utarbeidd og informert om.
  • Fase 3: ved offentleg høyring av utarbeidd planforslag.

Sjå fasane i framdriftsplanen

Oppstart og høyring planprogram

Perioden for å kome med innspel til oppstart av arealplanarbeidet og til å gi merknad til planprogrammet er no over. Det blir fleire høve til å medverke seinare i prosessen. Følg med på kommunen si nettside. 

Høyringsperiode 18.02.2025 - 15.04.2025

Forslag til planprogram (PDF, 3 MB)-  høyringsutkast

Korleis vurderer vi innspela

Etter høyringsperioda vil i første omgang merknadar til planprogrammet bli handtert. Planprogrammet skal omarbeidast ut frå tilbakemeldingar og merknadar før godkjenning/fastsetting i Planutvalet. 

Ved endeleg fastsetting av planprogram skal det vere formulert kriteria for vurdering av innspel. Alle innkomne innspel blir så vurdert opp mot desse kriteria for å “sile” ut innspel som skal greiast ut nærare i det vidare planarbeidet.

Har du spørsmål? 

Spørsmål vedrørende arealdelen kan sendast til e-post: postkommuneplan@alesund.kommune.no


 

Sist endra 22.04.2025 13.51