Kriminalitetsførebygging

SLT står for «Samordning av lokale rus- og kriminalitetsførebyggande tiltak». Innbyggarar og tilsette i Ålesund kommune kan ta kontakt med SLT med spørsmål, innspel eller bekymringar.

Ta kontakt med SLT dersom du:

• er bekymra for eit ungdomsmiljø på skulen din, din møtestad eller i nærmiljøet ditt
• ser utfordringar som knytte seg til fleire unge – rus, vald, tjuveri, sedelegheit
• er bekymra for hatytringar eller ekstreme miljø

Om SLT

SLT-modellen er eit hjelpemiddel for å samordne rus- og kriminalitetsførebyggande tiltak for barn og unge. Modellen bidreg til å koordinere informasjon, kunnskap og ressursar mellom kommunale aktørar og politi, og dessutan næringsliv og frivillige organisasjonar når dette er naturleg.

SLT modellen blir organisert gjennom tre nivå for å fordele ansvaret for styring, koordinering og utføring av det førebyggande arbeidet. SLT koordinatoren bidreg til god informasjonsflyt på tvers av dei tre nivåa:

Målgrupper for SLT i Ålesund:

• ungdom i risikosona, primært unge frå 12–19 år
• alle barn og unge som blir omfatta av førebyggande tiltak mot utanforskap
• tilsette i verksemder som jobbar mot og med barn, unge og familiane deira

Politikontaktane skal saman med den enkelte kommunen jobba med førebyggande politiarbeid lokalt. Vedkommande skal vere uniformert og sørge for oppfølging av forpliktande avtalar mellom politi og kommune.

Politikontaktar skal ha faste møtepunkt i kommunen. Politikontakten er ein viktig samarbeidspartnar for SLT- koordinatoren.

Sjå kven som er politikontakt for Ålesund kommune (politiet.no).

Ålesund kommune har utarbeidd ein rettleiar ved bekymring for radikalisering og utvikling av valdeleg ekstremisme (PDF, 2 MB).

Målet med rettleiaren er å løfte arbeidet med å førebygge radikalisering og valdeleg ekstremisme. Rettleiaren er meint å gje informasjon om korleis ein kan møte, førebygge og følge opp radikalisering og utvikling av valdeleg ekstremisme.

Rettleiaren skildrar ei handlingsløype frå bekymring til handling, frå dei lokale og relativt enkle tiltaka, til tyngre innsatsar i tverrfagleg samarbeid med relevante aktørar. Den skal gjere det enklare å gje rask respons når utfordringar oppstår

• Radikalisering er prosessen der ein person i aukande grad aksepterer bruk av vald for å nå dei politiske måla sine.
• Med valdeleg ekstremisme blir meint personar som er villige til å bruka vald for å nå dei politiske måla sine.

Målgruppe

Målgruppa er tilsette i skolen, barnevernet, politiet, helsevesenet, familiestøtte, kultur og fritid m.m. Rettleiaren rettar seg primært mot aktørar i førstelina, men den er også retta mot sivilsamfunnet. Det kan vere føresette, familiemedlemmar, vener, naboar, kollegaer og/eller nokon i foreiningar, kyrkjelyden eller fritidsarenaen som er bekymra over aukande grad av radikalisering hos eit barn eller ein ungdom/vaksen.

Samarbeidspartar

Rettleiaren er utarbeidd i samarbeid mellom Ålesund kommune, Møre og Romsdal politidistrikt og Ressurssenter om vold, traumatisk stress og selvmordsforebygging, region Midt (RVTS midt).

Kva gjer eg ved bekymring?

Dersom du er bekymra for at ein person er i ein radikaliseringsprosess, er det ei rekke ressursar og instansar du kan støtte deg til i kommunen og hos lokalt politi. Det skal vere ein låg terskel for varsling ved bekymring. I  rettleiar ved bekymring for radikalisering og utvikling av valdeleg ekstremisme (PDF, 2 MB) finn du forslag til handtering, både som privatperson og som tilsett.

Kven kan du kontakte?

Radikaliseringskontakt i Ålesund kommune
radikalisering@alesund.kommune.no | tlf: 480 91 353 | Sentralbord Ålesund kommune tlf: 70 16 20 00

Barnevernsvakta i Ålesund (døgnbemanning)
tlf: 915 76 020

Ålesund politidistrikt sine kriminalitetsførebyggarar
tlf: 02800 | politiet.no | E-post: 208.forebyggende.alesund@politiet.no

Radikaliseringskontakt ved Møre og Romsdal politidistrikt
tlf: 02800 | Kontakt kan videreformidles gjennom lokalt politi eller e-post: post.moreogromsdal@politiet.no

PST Politiets Sikkerhetstjeneste
tlf: 23 30 50 00 | post@pst.politiet.no | Politiet sitt tipsmottak

RVTS midt
tlf: 728 22 005 | rvts@stolav.no

Naudsituasjon ring 112

Alarmtelefonen for barn og unge (gratis) tlf: 116 111