Kven kan få følgjekort?
- Har du ei fysisk eller psykisk funksjonsnedsetting som varer minimum 2 år, kan du få følgjekort.
- Følgjekort blir tildelt uavhengig av søkjar sin økonomi eller livssituasjon.
- Det er ingen øvre eller nedre aldersgrense.
Formål
Formålet med ordninga er å førebyggja isolasjon og bidra til auka livskvalitet. Den som har ein funksjonsnedsetting som gjer at ein treng følgje for å delta på kultur- og fritidsarrangement eller nytte offentleg transportmiddel, skal med følgjekortet kunne ha med seg eit følgje, utan at den personen treng å betale for billetten.
Korleis bruke følgjekortet?
- Det er kun følgjepersonen som får rabatt eller gratisbillettar. Den som eig eit følgjekort betalar for seg sjølv.
- Korthaldar vel sjølv følgjepersonen sin, og kan ha ulike følgjepersonar frå gong til gong.
- Det er den enkelte arrangør som bestemmer kva rabatt dei ynskjer å gi.
- Følgjekortet kan også nyttast på transportmiddel der ordninga blir akseptert.
Ordninga er landsdekkjande, og du kan nytte følgjekortet på tvers av kommunegrenser.
- Arbeideren
- Atlanterhavsparken
- Barnas lekeland
- Brattvåg kino
- Bybadet Ålesund
- Epic AktivPark
- Escape room
- Fiskerimuseet
- Gomerhuset
- Håp i havet
- ID-huset
- Jugendstilsenteret og KUBE
- Løvenvold kino
- Middelaldermuseet
- Moa svømmehall
- Odeon kino
- Parken kulturhus
- Sportsparken Vegsund
- Sunnmøre museum
- Terminalen byscene
- T2 Ålesund
- Ørskogfjell skisenter
- Ørskog kino
- Aalesunds FK – heimekamp: Følgjekort er akseptert, mot at kortinnehaver har ein billett. Ledsager kjem då gratis inn. Det er ikkje mogleg å kjøpe billett til ledsagere
gjennom nettsida. Dette må gjerast i billettluka, eller ved å sende ein e-post til billett@aafk.no
- Atlanterhavsparken
- Bjørneparken
- Bø Sommarland
- Bybadet i Ålesund
- Dyreparken i Kristiansand
- Epic Aktiv Park, Digerneset
- Hunderfossen (har og «Først i køen»-bevis)
- Kongeparken
- Langedrag (Halv pris til ledsager)
- Lilleputthammer (kun 1 følgje får gratis adgang)
- Namsskogan Familiepark
- Polaria i Tromsø
- Tusenfryd
- Valldal aktivitetspark (Følgje får redusert pris)
- Ørskogfjell skisenter
Om du ser noko som manglar inne på lista, er det fint om du sender ein e-post til sjoholt.innbyggartorg@alesund.kommune.no , så får vi supplert.
Pris
Det er gratis å få følgjekort. Mistar du kortet, må du betale kroner 65,- for å få laga eit nytt.
Sjå pris for følgjekort.
Slik søkjar du
Søk følgjekort/ledsagerbevis
Dette må du legga ved søknaden:
- Eit bilete av nyare dato og god kvalitet.
- Uttale frå lege eller helsepersonell på at du har behov for følgje for å kunne delta på aktivitetar.
Dersom du har behov for hjelp, ta kontakt med innbyggartorget.
Det er ingen søknadsfrist, søknader blir behandla fortløpande.
For barn vil kortet normalt bli utstedt for 3 år i gongen. For vaksne vil det normalt bli utstedt for minimum 2 år i gongen. Ønskjer du å fornye følgjekort, sender du inn ny søknad.
Klage
Om du meiner noko i avslaget er feil, kan du i høve Forvaltningslova § 28, 2. ledd, klage på vedtaket. Klagefristen er 3 veker frå melding om vedtak er sendt. Klagen skal vere skriftleg, grunngjeven og underteikna.
Klagen skal sendast til Ålesund kommune, postboks 1521, 6025 Ålesund.