Ålesund kommune er den største kommunen mellom Bergen og Trondheim, og eit regionsenter for Nordvestlandet. Sjå ny i Ålesund om du vil vite meir om korleis det er å bu her.
Å jobbe i ein kommune betyr å jobbe tett på folk, og tett på det som er viktig i kvardagen. Som medarbeidar i kommunen får du ein jobb med tydelig samfunnsverdi. Du bidreg til gode tenester innan helse og omsorg, skule og oppvekst, kultur, miljø, samfunnstryggleik og utvikling. Det du gjer har direkte betydning for innbyggarane sine liv.
Kommunen er ein stor og variert arbeidsplass der du kan:
- utvikle deg fagleg og personleg
- bytte retning og få nye utfordringar
- bygge ein heil karriere utan å bytte arbeidsgivar
Du får ordna og føreseielege rammer, gode ordningar og eit inkluderande arbeidsmiljø der ulike perspektiv gir betre løysingar for innbyggarane.
Ålesund kommune som arbeidsgivar
Ålesund kommune sin visjon er: Nasjonal slagkraft, regional attraktivitet og lokal identitet. Lokal identitet gir mangfald og skaparkraft – som igjen skaper attraktivitet og styrker kommunen nasjonalt.
Som tilsett i Ålesund kommune møter du ein organisasjon som er open, engasjert og modig. Vi skal vere opne mot innbyggarar og kvarandre, vise engasjement for samfunnsoppdraget og tørre å tenke nytt. Desse verdiane er rettesnora for korleis vi jobbar og samarbeider i kvardagen.
Her kan du lese meir om visjon og verdigrunnlag.
Likestilling, mangfald og universell utforming
Vi skal vere ein arbeidsgivar for alle, og arbeider aktivt med likestilling og mangfald – forankra i FN sine berekraftsmål Vi skal arbeide for:
- likestilling mellom kjønna (5)
- inkluderande og berekraftig arbeidsliv (8)
- redusere forskjellar mellom folk (10)
Vi skal fremje likeverd og toleranse, både som arbeidsgivar, tenesteytar og samfunnsaktør.
Mangfald som styrke
Mangfald og likestilling er verdiar i seg sjølv – og ein føresetnad for at organisasjonen når måla sine. Når vi lyttar, samarbeider og er opne for ulike perspektiv, kjem nye og betre løysingar fram. Slik står vi sterkare i ei tid med raske endringar og høgare forventningar til kommunen.
Rekruttering og kjønnsbalanse
Vi tek omsyn til mangfald i heile rekrutteringsprosessen, frå utlysing til tilsetting. Dette betyr at vi:
- oppmodar søkarar frå underrepresenterte grupper
- vurderer søkarar med funksjonsnedsetjing på lik linje med andre når kvalifikasjonskrava er oppfylt
- kan prioritere underrepresentert kjønn når kandidatar står likt
- arbeider for god kjønnsbalanse i leiarstillingar
Status for kjønnsbalanse i Ålesund kommune:
- 77 % av tilsette er kvinner, og 23 % er menn
- i tekniske yrke er 74 % av tilsette menn
- kjønnsbalansen i toppleiinga er jamn
- på verksemdsleiar‑nivå er fordeling ca. 60 % kvinner og 40 % menn
- på avdelingsleiar‑nivå er fordeling ca. 75 % kvinner og 25 % menn
- kvinner tener i snitt ca. 96 % av det menn tener, men årsakene er stort sett knytt til kjønnsfordeling i yrke.
Vi kartlegg kjønnsbalanse og lønnsforskjellar årleg og set inn tiltak der skilnader ikkje har naturleg forklaring.
Universell utforming
Vi skal sikre at både arbeidsplassen og digital informasjon kan brukast av alle. Difor prioriterer vi:
- universell utforming i bygg og rehabilitering
- klarspråk og god struktur i all kommunikasjon
- alternativ tekst for bilete
- teksting og tekstalternativ på video og lyd
Arbeidstid, arbeidsmiljø og balanse
Ålesund kommune skal vere ein arbeidsplass der tilsette har ein trygg, føreseieleg og berekraftig arbeidssituasjon. Balanse mellom arbeid og privatliv er ein viktig del av dette.
Heiltidskultur og reduksjon av uønskt deltid
Uønskt deltid er vanleg i turnusyrke. Om lag halvparten av kvinnene i kommunen jobbar deltid. Vi arbeider derfor aktivt for å:
- redusere uønskt deltid
- styrke heiltidskulturen
- utvikle turnusar som gjer heiltid mogleg
- følgje utviklinga årleg og rapportere i årsberetninga
Føreseieleg arbeidstid og mindre overtid
Ein god arbeidskvardag skal vere stabil og føreseieleg. Derfor:
- minimerer vi overtid
- planlegg vi arbeidsfordeling og belastning
- sikrar vi ryddige rutinar for ferie og permisjon
Fleksible løysingar der det er mogleg
Der det passar for tenesta tilbyr vi:
- fleksitid – med rom for å variere start og slutt på arbeidsdagen
- heimekontor – når arbeidsoppgåver og tenestekvalitet tillet det
Dette gjer det enklare å kombinere arbeid med familie, fritid og andre omsyn.
IA-verksemd og bedriftshelseteneste
Ålesund kommune er ei IA‑verksemd. Vi jobbar for å:
- førebygge sjukefråvær
- styrke nærværet
- hindre utstøyting frå arbeidslivet
- sikre god tilrettelegging
Bedriftshelsetenesta følgjer opp verksemdene jamleg og bidreg til sunne, trygge og helsefremjande arbeidsplassar.
Partssamarbeid og ansvar
Vi samarbeider tett med dei tillitsvalde. Dette inkluderer:
- årlege drøftingar om bruk av deltid (AML §14‑1)
- vurdering av tilrettelegging og arbeidsmiljø
- arbeid med å redusere belastning og sikre gode arbeidsvilkår
Løn, forsikringar og pensjon
Læring og utvikling
Vi satsar på strukturert kompetanseutvikling fordi kvaliteten på tenestene våre er avhengig av kunnskapen, ferdigheitene og haldningane til medarbeidarane.
Vi legg til rette for kurs, vidareutdanning og fagleg utvikling.
Ansvar og oppfølging
- Kommunedirektøren har det overordna ansvaret for likestilling og mangfald
- Leiarar følgjer opp arbeidet i eigne einingar
- HR‑avdelinga gjennomfører årleg statusgjennomgang