Barnevaksinasjon

Du finn ei oversikt over barnevaksinasjonsprogrammet, samt meir informasjon om kvar einskild vaksine, hos Folkehelseinstituttet

Det finst infeksjonar som kan forårsake alvorleg skade og i verste fall død hos den som blir smitta. Føremålet med vaksinasjon er å få vern mot sjukdom utan risikoen det inneber å gjennomgå sjukdommen. Du finn meir informasjon om kvifor ein bør vaksinere seg hos Folkehelseinstituttet.

Sjå film om kvifor det er viktig at barn vert vaksinert.

Før vaksinasjonen vil helsesjukepleiar kartlegge om barnet er friskt og om det har hatt reaksjonar etter tidlegere vaksinar. Dei fleste barn får liten eller ingen reaksjon etter vaksinering. Du finn meir informasjon om vanlege biverknader i neste avsnitt. Folkehelseinstituttet har meir informasjon om kva som er viktig før og etter vaksinering

Dette er dei vanlegaste reaksjonane etter ein vaksine:

• Raudheit, varme, hevelse og smerter på stikkstaden oppstår frå tid til anna etter alle vaksinar og kan vare i nokre dagar.
• Uspesifikke symptom som uro, irritabilitet, trong til å sove, manglande matlyst, gråt, sutring, feber, hovudpine og sjukdomsfølelse kan førekomme i 1–2 døgn etter vaksinasjon.
• Feber over 39,5 ˚C er uvanleg. Feber over 39,5 ˚C og/eller nedsett allmenntilstand treng ikkje vere reaksjon på vaksinen, og kan vere teikn på behandlingstrengende sjukdom. Det viktigaste i slike tilfelle er derfor å kontakta lege slik at behandlingstrengande sjukdom av anna årsak ikkje blir oversedd.
• Feberkrampar hos småbarn kan skje ved raskt stigande feber, og kan også skje ved feber etter vaksinasjon. 
• Å vere bleik, uvel eller at ein svimar av etter vaksinasjon er vanlegare hos store barn enn hos spedbarn. Dette skuldast nesten alltid at barnet reagerer på stikket/smertene eller situasjonen.
• Allergisk reaksjon på vaksinar kan oppstå i sjeldne tilfelle. Dei farlegaste allergiske reaksjonane kjem raskt etter vaksinasjon. Difor skal barnet vente på helsestasjonen i minst 20 minutt etter vaksinasjon.

Alle vaksinar som blir gitt i Norge skal registrerast i det nasjonale vaksinasjonsregisteret, SYSVAK. På Helsenorge.no - Mine Vaksiner kan du logge deg på for å sjå status på dine eigne vaksinar, samt vaksinar gitt til dine barn som er under 16 år. Her finn du:

• Alle vaksinar gitt gjennom barnevaksinasjonsprogrammet sidan 1995
• Reisevaksinar og andre vaksinar, til dømes influensavaksine, gitt sidan 2011

Sidan helserettsleg myndigheitsalder i Norge er 16 år, har ikkje foreldre tilgang til barna sin vaksinasjonsstatus etter fylte 16 år. Buypass ID blir tilbydd frå fylte 13 år. Dersom du er mellom 16 og 18 år, kan du utan Buypass ID bestille vaksinasjonskort direkte frå Folkehelseinstituttet.

Nei. Etter 1997 har det ikkje vore kvikksølvbindingar (thiomersal) i vaksinane som blir brukt til barnevaksinasjon i Norge. Thiomersal vart tidlegare nytta som konserveringsmiddel og bakteriehemmande middel i ei rekke vaksinar.

All vaksinasjon i Norge er frivillig, og det er mogleg å reservere seg. Foreldre kan også reservere barn under 16 år frå å få vaksinar i barnevaksinasjonsprogrammet. Ta kontakt med helsestasjonen din for meir informasjon.