Gjennom Newton blir elevar sikra tilgang til praktisk undervisning i tråd med gjeldande læreplan.
I Ålesund har vi Newton Møre som ein felles læringsarena for alle barn og unge. Her er det tilbod om praktisk undervisning i matematikk, naturfag og teknologi for grunnskulen.
Det er eit mål at dei som besøkjer Newton, skal ha stort læringsutbytte og gode læringsopplevingar.
Kva er eit Newton-rom?
- Eit Newton-rom er ein inspirerande læringsarena, som bruker utstyr som fremjar læring gjennom aktivitet.
- Målet er å auke interessa og forståinga for realfaga ved hjelp av praktiske øvingar i naturfag, matematikk og teknologi.
- Newton Møre er eigd og blir drive av Ålesund kommune, i samarbeid med Møre og Romsdal fylkeskommune og lokalt næringsliv.
- Newton er støttet av Utdanningsdirektoratet og konsepteier er den ideelle stiftelsen FIRST Scandinavia.
Korleis foregår undervisninga?
- I Newton-rommet får elevar lære og oppleve realfag gjennom praktisk arbeid. Dei får utforske, bruke relevant utstyr, diskutere og samarbeide.
- I Newton-rommet jobbar det ein Newton-lærar, som har ansvar for undervisninga. Elevane gjer for- og etterarbeid på skulen i samband med besøket.
- All undervisning er læreplanbasert. Undervisningsopplegget i eit Newton-rom blir kalla ein Newton-modul. Her kan du sjå undervisningsmodulane Newton-Møre tilbyr.
Kvifor Newton?
Perspektivet til dei unge
Newton gjer skulen meir praktisk og variert. Newton berikar undervisninga barna møter i skulen, gjer skulen meir interessant, femnar alle elevane og tilbyr god realfagsundervisning. Elevaktive arbeidsformer er motiverande for læring, og dessutan at besøk av Newtonrommet gir elevane eit avbrekk frå det vanlege klasserommet.
Kommunalt perspektiv
Newton er eit velutprøvd konsept for realfagssatsing.
Newtonrommet sikrar praktisk undervisning i tråd med LK20 - Læreplanverket, og kvalitetssikrar undervisning både i matematikk og i naturfag.
Etablering av Newtonrommet i Ålesund bidreg til positiv skoleutvikling og profesjonsfelleskap innanfor realfag, internt i kommunen og for heile regionen på sikt.
Ålesund kommune ønskjer å tilby ein alternativ og variert læringsarena for barn og unge, og dessutan introdusere elevane til eit større akademisk og innovativt miljø på Campus Ålesund.
Næringslivsperspektiv
- Newtonrommet kan opne for godt og varig samarbeid mellom næringsliv og skule. Dette kan skape gode synergiar for begge partar.
- Newton Møre blir ein del av eit større miljø på Campus Ålesund.
- Lokale samarbeid vil forankre læringa til elevane i aktuelle spørsmål og samfunnsbehov.
- Newton er ein måte å satse på lokalsamfunnet. Bedrifter som bidreg er med å byggje lokal stoltheit og identitet, og dessutan satsar på framtida til barn og unge.
Vil du vite meir?
Les meir om Newton
Kontakt