Har du køyrt på eit dyr?

Kva gjer du ved påkøyrsel av dyr?

• Varsle politiet - 02800. Politivakta har liste over ettersøksjegerar. Om bilen har treft dyret er det nesten utan unntak skadd, sjølv om det har sprunge vidare. Informer gjerne politiet om koordinatane til staden du er, du finn dette i kartet på mobilen din. Dersom du ringer politiet ved hjelp av appen «Hjelp 113» ser dei nøyaktig kvar du er. 
• Hugs å sikre og merke ulukkesstaden. Du må sikre ulukkesstaden ved å sette ut ein varseltrekant og skru på naudblink. Ta på refleksvest. 
• Dersom du får løyve frå politiet til å køyre vidare, skal du merke staden der påkøyrsel skjedde. Kommunen, mange bensinstasjonar og forsikringsselskap deler ut spesielle merkeband som er lurt å ha i bilen. Bruk eventuelt ein plastpose eller liknande. Dette er viktig for at ettersøksjegeren skal vite kvar sporinga skal starte.

Kva skjer etter ein påkøyrsel?

Å køyre på eit dyr er ikkje straffbart. Men å ikkje varsle om at det har skjedd, og ikkje å stoppe og sjekke tilstanden til dyret, er straffbart og kan medføre inndraging av førarkort!

Varsling til politiet er også eit vilkår for å kunne bruke bilforsikringa din. Skade etter kollisjon med vilt gir ikkje bonustap.

Meld frå om skada vilt

• På dagtid (kl. 09-00-15.30): ta kontakt med Nordre Sunnmøre landbrukskontor via sentralbordet på rådhuset 70 16 20 00
• På kveldstid: Ring politiet på 02800. Når du ringer politiet etter ei påkøyrsel varslar dei viltnemnda og andre relevante aktørar.

Om ein finn eit dødt hjortevilt i vegbana skal også dette meldast til politiet. Dette for at hendinga skal registrerast i Hjorteviltregisteret.