Vi skal i dei komande åra jobbe med å oppdatere og tilpasse kommuneplanen sin arealdel (KPA) for å møte kommunen sine behov i framtida. KPA er den viktigaste styringsreiskapen for arealplanlegging og utbygging i kommunen.
Ålesund kommune lagar ny arealplan, og vi vil ha deg med på dugnaden! Du har verdifull kunnskap om nærmiljøet ditt, og vi vil høyre kva du tenkjer.
Delta ved å gi innspel digitalt på alesund2040.no og på fysiske Framtidsverkstader i din kommunedel.
Sjå kvar den næraste fysiske Framtidsverkstaden er
Planutvalet har fastsett planprogram for kommuneplanen sin arealdel i Planutvalsmøte 24.06.2025.
Planprogrammet gir eit rammeverk for det vidare arbeidet med arealplanen – kva tema vi skal fokusere på, kva vi treng å greie ut og ta omsyn til, korleis vi legg opp til medverknad m.m.
Sjå planprogrammet (PDF, 10 MB)