Stette barnehage

Stette barnehage har vore drifta i eige bygg sidan påska 2014 og gleda er stor blant barn, foreldre og tilsette i barnehagen. Barnehagen har tidlegare vore drifta i skulebygget på Stette og i Grendehuset. I dag er Stette barnehage ein av dei 6 kommunale barnehagane i verksemd Barnehagane Indre & Nordre som er driven og eigd av Ålesund kommune.

Peder Otto Dybvik

Barnehagen ligg i eit naturskjønt område med utsikt over Stettevika, og har Stette friskule som næraste nabo. Den sentrale plasseringa gir kort veg til både skog og fjøre, noko som legg til rette for varierte naturopplevingar gjennom året.

Barnehagen har eit inngjerda og godt tilrettelagt uteområde med bålpanne/grue, grillhytte «Revehiet» og eit breitt utval av leikemoglegheiter. Leikeplassen er for tida under oppgradering, og vil bli eit fargerikt og variert leikeområde som stimulerer til fysisk aktivitet, utforsking og sosial samhandling.

I tillegg har vi også moglegheiter å nyte gymsalen ved Stette friskule og grendehuset til ulike aktivitetar, noko som også bidreg til eit allsidig og stimulerande læringsmiljø for barna.

Her finn du årsplanen til Stette barnehage 2025-2026 (PDF, 7 MB)

Vår visjon

″Eg er meg når eg er saman med deg″

Vi kan tilby

•    Eit nytt og flott ute- og inne miljø
•    Eit engasjerte, kreative og stabilt personale
•    Fokus på godt samspel mellom barn og vaksne
•    Fokus på pedagogisk dokumentasjon
•    Utviklingsarbeid som metode
•    Fokus på kompetanseheving og utvikling
•    Dagleg opningstid frå kl. 07.00 til 16.45
•    Frukost, lunsj og ettermiddagsmåltid

Stette barnehage vert driven etter heimel i Lov om barnehagar. Rammeplan for barnehagen gir føringar for innhaldet og oppgåvene til barnehagen. Årsplanen vår gir oversikt over den pedagogiske verksemda, samtidig som den beskriv barnehagen sine satsingsområder.  Den seier noko om korleis vi er organisert, og korleis vi arbeider med omsorg, leik og læring.

Avdelingar

Stette barnehage har to avdelingar med ei barnegrupper pr. avdeling, som igjen blir delt i mindre grupper i løpet av barnehagedagen for best mogeleg utvikling for det enkelte barn og barnegruppa..

Per i dag er Solstrålane ei småbarnsavdeling 0-2 år, mens Fjørefantane er ei blandingsavdeling 2-6 år. Talet på barn endra seg frå år til år.

Barnehagen er bygd for 72 plassar/54 barn og lokala opplevast som lyst og lett med gode rom for ulike aktivitetar tilpassa dei ulike barnegruppene.

Kontakt

Adresse: Bjønnaberget 7, 6260 Skodje

Styrar: Marianne Nesvik Tøsse

Verksemdsleiar: Janne Aamelfot

Blandingsavdeling, Fjørefantane
Telefon: 414 58 125/917 33 865

Småbarnsavdeling, Solstrålane
Telefon: 904 75 883

Denne nettsida: alesund.kommune.no/stette-barnehage