Tilbodet gjeld undervisningsdagar i ungdomsskulen og vidaregåande opplæring, og kan omfatte feriar og undervisningsfrie periodar etter individuell vurdering.
Tilbodet vert knytt til:
- ved ungdomsskulane i Ålesund kommunen
- ved privat ungdomsskule etter avtale
- ved vidaregåande skular etter avtale med Møre og Romsdal fylkeskommune
Gjennomføringa skjer i lokale ved skulen eller i nærmiljøet, avhengig av behov og kapasitet, og kan organiserast i samarbeid med skular.
Rettar og ansvar
Skoleskyss
Elevar med nedsett funksjonsevne, skade eller sjukdom har rett til gratis skyss til og frå skolen, jf. opplæringslova § 9-1 tredje ledd og § 28-7 første ledd. Dette er fylkeskommunen sitt ansvar.
- Søknader om skoleskyss ved nedsett funksjonsevne i både ungdomsskulen og vidaregåande opplæring skal sendast til Møre og Romsdal fylkeskommune.
Tilsyn i ventetid
Elevar som får skyss, har rett til tilsyn i ventetida før og etter opplæringa dersom dei på grunn av nedsett funksjonsevne ikkje klarer seg åleine, jf. opplæringslova § 9-2.
- Ungdomsskulen: Søknad om tilsyn skal rettast til Koordinering og tildeling i Ålesund kommune
- Vidaregåande opplæring: Søknad om tilsyn skal rettast til Møre og Romsdal fylkeskommune, jf. opplæringslova § 28-7 andre ledd
Ålesund kommune arbeider med vidare avklaring og eventuell omorganisering av ansvar og rutinar for tilsyn og skoleskyss i vidaregåande opplæring. Det blir òg sett på organiseringa av dekning av skoleskyss for elevar som har 13 PLUSS i grunnskulen. Kommunen vil informere både elevar og føresette ved eventuelle endringar i tilbodet.
Tilbod frå kommunen
Kommunen gir tilbod om 13 PLUSS til elevar som har behov for tilsyn før og/eller etter undervisningstid, og som ikkje kan klare seg åleine.
Dersom det allereie er vedtak om andre tenester i same tidsrom – til dømes kommunal døgnavlastning – kan dette påverke retten til 13 PLUSS. Slike tilfelle vert vurdert individuelt etter helse- og omsorgstenestelova.
For elevar i vidaregåande opplæring kan kommunen etter søknad vurdere tilbod om 13 PLUSS i feriar eller andre periodar utan undervisning, dersom det ligg føre behov og individuell vurdering. Dette tilbodet kjem i tillegg til det tilsynet eleven har rett på etter opplæringslova § 28-7, og omfattar ikkje ventetid før og etter undervisning. Slike rettar skal bli ivaretekne av fylkeskommunen.
Opphaldstid
Tilbodet vert gitt på virkedagar frå 1. august til 30. juni, med unntak av heilagdagar, offentlege fridagar, planleggingsdagar og stengte periodar i jule- og påskeferie (jf. SFO-retningslinjer).
Lokale og bemanning
Tilbodet skal ha bemanning som er forsvarleg og tilpassa innhaldet i tenesta. Lokale vert stilt til disposisjon av skular eller kommunen, og kan variere etter behov og kapasitet.
Kostnadar
Tilbodet er gratis. Utgifter til mat, aktivitetsmateriell og eventuelle utflukter vert fakturert med kr 550,- per månad.
Søknad og oppseiing
Søknadsfrist: 30. april
- Søknader om skoleskyss ved nedsett funksjonsevne i ungdomsskulen og vidaregåande opplæring skal sendast til Møre og Romsdal fylkeskommune
- Søknader om tilsyn i ungdomsskulen vert behandla av Koordinering og tildeling i Ålesund kommune
- Ved behov for tilsyn i feriar eller utanom undervisningstid i vidaregåande opplæring, kan kommunen vurdere tilbod etter helse- og omsorgstenestelova
Ved manglande bruk av tilbodet ber vi om skriftleg oppseiing minst tre månader før avslutning.
Søk om tilsyn etter skoletid for ungdom (13 PLUSS)