Kva blir rekna som kommunal veggrunn?
Kommunal veggrunn er all veggrunn etter veglova § 1, som er open for alminneleg ferdsel og blir vedlikehalden av Ålesund kommune.
Kommunal veggrunn er i denne samanhengen også inkludert privat grunn som blir disponert av kommunen til veg- og trafikkføremål. Som veg reknar ein også fortau, snuplass, opplagsplassar, haldeplassar, parkeringsplassar, bruer, grøntanlegg, veggrøfter og anna som står i samband med veg.
Krav til søkar
Før du søker
Sjekk kva som blir kreve for området før du set i gong arbeid. For arbeid på eller ved kommunal veg er det oftast naudsynt å ha ein godkjent plan for varsling og sikring av det arbeidet som skal gjennomførast, i tillegg til arbeidsløyve.
Typiske aktivitetar som er søknadspliktige er stillasarbeid, konteinarar, kraning, vask av vindauge, riggområde, arrangement og tilstellingar på offentleg grunn.
Alt arbeid i den kommunale vegen skal søkast om. Dette gjeld også areal som offentleg tilgjengelege fortau, gang- og sykkelvegar, kaier, torg og plassar.
Arbeid innanfor vegens sikkerheitssone må også søkast om. Dersom du arbeider på privat område, men så nær vegen at det påverkar vegen eller trafikken, eller at det kan vere farleg for trafikantar eller arbeidarar, er du i sikkerheitssona. Utstrekninga av sona er avhengig av både fysiske forhold og fartsgrense på vegen. Er du i tvil om dette gjeld der du skal arbeide, må du ta kontakt.
Statens vegvesen handterer søknader om arbeidsvarsling og arbeidsløyve for riksvegane.
Fylkeskommunen handterer søknader om arbeidsløyve for fylkesvegane.
Søknad om arbeidsvarsling på fylkesvegane er det Statens vegvesen som handterer, men arbeidsløyvet frå fylkeskommunen må leggast ved søknaden.
I utgangspunktet skal stillas settast opp slik at dei ikkje er til hinder for fotgjengarar og syklistar i sentrumsgatene. For å sikre framkomelegheit skal det vere ein fri passasje på 1,2 meter.
Dette kan enten sikrast gjennom tilstrekkeleg fritt areal på fortauet utanfor stillaset (utan skiltstolpar, lyktestolpar, hydrantar og andre hindringar), eller under stillaset. Dersom ein legg opp til ferdsel under stillaset må ein velge typar som eigner seg særskilt til dette føremålet.
Kommunen tilrår ikkje at ein stenger fortau, då dette kan skape farlege situasjonar for mjuke trafikantar.
Utsetting av konteinarar på vegarealet skal søkast om.
Skal du sette ut ein konteinar på ein oppmerka parkeringsplass kan dette avtalast direkte med Ålesund parkering.
Unntak frå dette er parkeringsplassar rett ved sidan av tre. Her er det spesielle vilkår som gjeld.
I tillegg til å søke vegmynda om løyve, skal det også søkast om løyve frå politiet om ein planlegg eit arrangement. Dette gjeld alt frå appellar, til opptog, festivalar og andre markeringar.
Ålesund kommune har eit mål om å sikre Ålesund sine tre.
Når det skal gravast eller arbeidast nær tre skal det bli tatt omsyn til røter, stamme og trekrone. Vi vil unngå å svekke livslengda på trea, skape risikotre eller gjere dei sårbare for sjukdom og skadedyr.
Når du planlegg arbeid på kommunal grunn må du sjekke rettleiinga for arbeid nær tre og krav for rigg- og anleggsarbeid. Du må utarbeide ein plan for arbeidet som skal følge med gravemeldinga eller søknad om arbeidsløyve.
I tillegg til gebyr for saksbehandling, kontroll og oppfølging er det vedtatt at bandlegging av areal i sentrum skal belastast tiltakshaver. Dette for å redusere ulempene for trafikantane. Satsane finn du i prislista nedanfor.
Søknad
Pris
Sjå pris for grave- og arbeidsløyver
Saksbehandling
Behandlingstid er gitt av forvaltningslova, men enkle søknader kan bli behandla så raskt som i løpet av 3 dagar.