Vassbehandlingsanlegget leverer vatn til Ålesund by, nærare bestemt følgande bydelar: Hessa, Skarbøvik, Aspøya, Nørvøy, Nørvasund, Hatlane, Spjelkavik, Åse, Lerstad og indre Borgund. Anlegget leverer også vatn til Sula kommune, samt er reservevasskjelde for Giske kommune og Ellingsøy vassverk SA.

Brusdalsvatnet fungerer som hovudvasskjelde og forsyner vassbehandlingsanlegget med råvatn. Inne i anlegget blir vatnet desinfisert med klor og UV-bestrålt.

Store høgdebasseng er plassert i bysentrum og i Spjelkavika, noko som gir høg sikkerheit og regularitet ved brot på leidningsnettet.

I krisetilfelle kan kommunen ta i bruk krisevasskjeldene Røssevollsvatnet og Langevatnet. Disse vasskjeldene vil berre bli tatt i bruk i samråd med kommuneoverlege og Mattilsynet.

Vassverket på Storsætra leverer vatn til abonnentar i Skodje sentrum frå Grindvika til Skodjevågen/Furlia, til Valle, Svorta, Glomset og delar av Engesetdalen, Stette og Opskar.

Svartevatnet er hovudvasskjelda til det kommunale vassverket på Skodje. Inne i anlegget vert vatnet desinfisert med hjelp av UV-stråler.

I krisetilfelle kan kommunen ta i bruk krisevasskjelda Engesetdalsvatnet. Denne vasskjelda vil berre bli tatt i bruk i samråd med kommuneoverlege og Mattilsynet.

Vassverket på Nysætra/Ørskogfjellet leverer vatn til om lag halve Sjøholt sentrum. Ørskog private vassverk leverer til resterande abonnentar i sentrum av Sjøholt, samt til Amdam, Skarbø og Vestre. Vaksvik vassverk leverer vatn til abonnentane i Vaksvika.

Kråvatnet er hovudvasskjelda til det kommunale vassverket. Inne i anlegget vert vatnet desinfisert med hjelp av UV-stråler.

I krisetilfelle kan kommunen ta i bruk reservevassforsyning frå Ørskog private vassverk.

Vassverket på Vatne leverer vatn til abonnentar på Vatne, Tennfjord, Slyngstad og til Hellestranda private vassverk.

Ulvestadvatnet er hovudvasskjelda til det kommunale vassverket på Vatne. Vassverket har nyleg blitt oppdatert med moderne utstyr. Vatnet blir desinfisert i eit ozon-bioanlegg og UV-bestrålt. Vatnet vert i tillegg tilsett ei lav klordose.  

I krisetilfelle kan kommunen ta i bruk reserveforsyning frå Grytastranda private vassverk.

Delar av Hildrestranda, samt store delar av øyane frå Lepsøya i sør til Ona i nord får vatn frå det kommunale vassverket. Ålesund kommune kjøper her vatn frå Brattvåg private vassverk.