Nye Emblem skule

Den nye Emblem skule vert tatt i bruk i januar 2023

Emblem skule

Kva bygger vi?

Prosjekt tittel: Emblem skule
Byggested: Emblem
Bruttoareal: 5800 m2 (Skole 4000 m2 Flerbrukshall 1800 m2)
Planlagt oppstart: Samspill januar 2021, byggestart mai 2021
Kostnadsramme: 230 000 000 (NOK 2021)
Entrepriseform: Totalentreprise

Det har vorte bygd ny barneskule på Emblem med kapasitet til 350 elevar i to parallellar og 35 tilsette.

Bygget har tre etasjar, der første etasje/ kjellar dekker halvparten av overliggande etasjar og med bakvegg under terrengnivå. Undervisingsareal er i 2. og 3. etasje og ligg rundt eit sentralt hjarte med bibliotek, opphaldsareal og amfi. Kvart trinn har eigen inngang.

Kroppsøvingsareal var planlagt med storleik som volleyballbane (384 m2), men etter vedtak i kommunestyret er dette endra til fleirbrukshall med storleik som handballhall (1 128 m2). Finansiering av større hall skjer med auka spelemidlar, gåver og sponsorar. Samla areal er om lag 5 000 m2. Uteområde skal òg oppgraderast.

Med bakgrunn i teknisk tilstand på eksisterande bygningsmasse vart det vedtatt at denne skal rivast i sin heilskap. Den nye skulen blir bygd ved sida av eksisterande skule som skal vere i bruk til den nye skulen er klar til direkte innflytting.

I samband med utbygginga vart det og bygd om lag 400 meter veg for å gi trygg skuleveg. Vegen blir utført i eigen hovudentreprise. Det var rekkefølgjekrav i reguleringsplanen om at vegen måtte byggast før skulen var ferdig.

Prosjektet for skulebygget vart utført som i totalentreprise og kontrakt vart inngått etter ein samspelsperiode.