Du må ta med legitimasjon når du skal stemme, både ved førehandsstemming og på valdagen.
Det er ikkje tilstrekkeleg å oppgi namn og fødselsdato.
Legitimasjon kan til dømes vere pass, førarkort eller bankkort med bilde. Digitalt førarkort blir også godkjent. Kravet er at legitimasjonen inneheld namn, fødselsdato og bilde.
Du får valkortet ditt digitalt
Ved kommunestyre- og fylkestingsvalet 2023 får du tilsendt valkortet ditt digitalt. Personar som har reservert seg mot digital post frå det offentlege vil framleis få valkortet på papir.
På valkortet finn du nyttig informasjon om valet. Sidan dei blir sendt ut digitalt kan dei brukast direkte på mobiletelefon, det er ikkje nødvendig å skrive det ut. Det er er ikkje eit krav å vise valkortet når du skal stemme, men det gjer sjølve stemmegivinga enklare og raskare.
Utsending av valkort
Alle som får valkort digitalt, blir varsla om dette med ein SMS. Dei som brukar Digipost eller E-boks, finn valkortet sitt der. Dei som ikkje har ei digital postkasse får tilgang til valkortet via valg.no eller på Altinn.
Dei som har reservert seg mot elektronisk post i kontakt- og reservasjonsregisteret, eller som ikkje har oppdatert eller stadfesta kontaktinformasjonen sin i registeret dei siste 18 månadene, får framleis valkort tilsendt på papir.