Du må vere utan egna bustad og ikkje i stand til å skaffe deg bustad sjølv, eller med hjelp frå andre. Det må vere økonomiske, helsemessige eller sosiale forhold som gjer at du ikkje mestrar å skaffe deg ein plass å bu. Det at du har lav inntekt er ikkje alltid nok til å få kommunal bustad.

Ved behandling av søknadar og tildeling av kommunale utleigebustadar vert det lagt vekt på:

• Inntekts - og formueforhold:
  Søker må ikkje ha inntekt, formue eller alternative moglegheiter som gjer søkjar i stand til sjølv å skaffe egna bustad med mindre særlige grunnar føreligg.
• Andre bustadverkemiddel:
  Søkjar som kan nyttegjere seg av andre bustadverkemiddel for å skaffe eller behalde bustad, skal ikkje innvilgast kommunal bustad.
• Alder:
  Søkjar må vere over 18 år. Det kan gjerast unntak i særskilde tilfelle.
• Butid:
  Søkjar skal ha ein samanhengande folkeregistrert butid i kommunen dei siste to åra med mindre særlege grunnar føreligg. Utanlandske statsborgarar må i tillegg ha lovleg opphald i landet. Det blir ikkje stilt krav om butid for flyktningar som vert førstegongsbusett i kommuna.
• Noverande buforhold:
  Søkjer må vere utan fast eller egna bustad, eller vere i ferd med å miste sin bustad.
• Helsemessige- og sosiale forhold:
  Helsemessige- og sosiale forhold vektleggast ved behandling av søknaden. Søkjarar som har omfattande bistand frå hjelpeapparatet kan tildelast bustad så framt bustaden har betyding for eit heilskapleg tilbod og når annan bustadbistand ikkje er aktuelt.
• Misleghald:
  Dersom bustadsøkjer har misleghaldt leigeforhold med kommuna eller misleghaldt lån frå kommuna, kan søknaden bli avslått. Det er krav om at husleigerestanse og annan gjeld knytt til kommunale buforhold skal vere gjort opp.
• Oppfølgingsbehov:
  Søkjarar som vurderast å ha oppfølgingsbehov i bustaden for å meistre busituasjonen, kan berre tildelast bustad føresett at søkjaren går inn i eit forpliktande samarbeid med kommuna.
• Tidligare tilbod:
  Dersom søkjer ikkje har tatt imot tidligare butilbod eller annan bustadhjelp som kommuna finn egna, kan søknaden bli avslått.

Førtløpande vurdering

Alle som søkjer mellom den 20. i noverande månad og 20. i neste månad blir vurdert fortløpande.

• Dei som manglar dokumentasjon får brev om å oppdatere søknad/ettersende dokumentasjon.
• Dei som er innanfor kriteria for kommunal bustad får beskjed om at dei er på ei «godkjentliste». Avhengig av tilgjengelege bustader og prioritering blant godkjente søkjarar, vil ein kunne få tildelt ein bustad.

Tildelingsmøte

I slutten av kvar månad gjennomfører Ålesund kommunale eiendom (ÅKE) eit tildelingsmøte. Dine oppgitte kontaktpersonar som er nevnt i søknaden blir kontakta for prioritering.

Tildeling av bustad

I løpet av den første veka i kvar månad, vil dei som har fått tildelt ein bustad bli kontakta på telefon og i brevsform.

Visning og kontrakt

Dei som har fått tildelingsbrev får beskjed om å kontakt ÅKE for visning. Om bustaden er aktuell må evt. NAV-garanti skaffast om dette er etterspurt i tildelingsbrevet. Kontraktsmøte blir avtala, der kontrakt med 3 års varigheit blir signert. Bustad med nøklar blir også overlevert på kontraktsmøtet.