Skattesetelen blir vanlegvis sendt ut i slutten av februar, men på grunn av kommunedelinga så er det mogleg at det kan bli forseinkingar i utsending av skattesetlane i 2024.
Forskrift om gjennomføring av deling av Ålesund kommune til Haram kommune og Ålesund kommune, gjeldande frå 03.10.2022, gir kommunen utsett frist til utgangen av juni med å senda ut skattesetelane for 2024
 

Ja, dette er totalbeløpet for heile året. Beløpet er delt i 4 terminar.

Kommunale avgifter og eigedomsskatt skal betalast innanfor desse fristane:
20. april: 1. termin, faktura for kommunale avgifter og eigedomsskatt.
20. juni: 2. termin, faktura for kommunale avgifter og eigedomsskatt.
20. september: 3. termin, faktura for kommunale avgifter og eigedomsskatt.
20. november: 4. termin, faktura for kommunale avgifter og eigedomsskatt.

Dette er foreløpig ikkje mulig. Har du betalingsvansker, kan vi likevel hjelpe deg med å dele opp den enkelte faktura. Du må då ta kontakt med avdeling for økonomi.

Du kan søkje om kortvarig utsetjing og/eller oppdeling av betaling av faktura for eigedomsskatt, slik gjer du det:

Logg deg inn på «Mi Side» som du finn her på heimesida.

• Her kan du søke om betalingsutsetting i ein månad. Søknaden må vere sendt før forfall på fakturaen. 
• Dersom du vil delbetale fakturaen, kan du gjere det ved å nytte same KID/kontoopplysningar som du finn på fakturaen din. Hugs å søke om utsetting av betaling FØR du delbetaler for å unngå purring.

Alternativ kan du ta kontakt med kommunen på e-post eller telefon.

• E-post: fakturamelding@alesund.kommune.no. Telefon: 70 16 20 00.
• Her kan du søke om endra betalingsfrist eller oppdeling av betalinga i inntil ein månad. Søknaden må vere sendt før forfall på fakturaen. 

Vi gjer merksam på at det vil bli rekna forseinkingsrenter på det beløpet som vert betalt etter opphavleg frist. Dette gjeld sjølv om du har gjort avtale om å få utsette/dele opp betalinga. Rentesatsen er 8 % p.a. Det gjeld både for kommunale avgifter og eigedomsskatt som vert betalt for seint.  

Faktura blir sendt til eigar, eller festar dersom eigedomen er bortfesta. Der det er fleire eigarar av ein eigedom blir fakturaen sendt til den som står registrert som rekningsmottakar i kommunen sine register. Ta kontakt med oss dersom du ønsker å bytte rekningsmottakar.

For seksjonerte eigedomar gjeld følgjande:

• Eigedomsskatt blir fakturert direkte til eigar.
• Kommunale avgifter (vatn, avløp, renovasjon og feiing) blir i dei fleste tilfelle fakturert samla til sameiget.

Eigedomsskattegrunnlaget bygger på faktaopplysningar som areal, byggeår og kva bygget blir brukt til, samt skjønnsmessige vurderingar.

NB! Det er viktig å understreke at eigedomsskattetaksering ikkje må forvekslast med tradisjonell verditaksering. Taksering i samband med eigedomsskatt er ein form for massetaksering som gir meir "grovkorna" vurderingar enn ved tradisjonell verditaksering. Skatteobjekta skal berre synfarast utvendig.

Er taksten realistisk ved sal i ein fri marknad utan hefte på eigedomen? Og er opplysningane på skattesetelen korrekt for areal, byggeår og type bygning? Dersom det er feil her, må du kontakte kommunen eller Skatteetaten, avhengig av om det er kommunal takst på eigedomen, eller om det her er brukt bustadsverdien frå Skatteetaten. Du kan klage dersom du kan dokumentere at taksten er for høg i forhold til antatt omsetningsverdi. Sjå òg under punktet "Korleis kan eg klage?"

Alle som skal betale eigedomsskatt vil få ein skattesetel i posten med informasjon om takst. På denne finn du informasjon om bygningane på eigedomen og kva areal som er lagt til grunn for utrekninga. Skattesetel er berre informasjon, ikkje ein faktura.

Vidare finn du informasjon om kva du skal betale i eigedomsskatt, klagefrist og kvar du skal sende klagen. Skattesetelene blir sendt ut i slutten av februar.

Du kan klage dersom du kan dokumentere at taksten er for høg i forhold til antatt omsetningsverdi. Ved andre feil eller spørsmål, ber vi om at du tek kontakt med kommunen før du eventuelt sender inn ein klage. Dette kan for eksempel vere faktafeil på areal eller kva bygninga blir brukt til. Klagefrist er 6 veker frå skattelista vert offentleggjort eller skattesetel vert sendt ut.

Eventuell klage skal vere skriftleg. Klage skal merkast med gards- og bruksnummer, eventuelt også feste-/seksjonsnummer og kontaktinformasjon.

Klagen kan sendast til Ålesund kommune, Postboks 1521, 6025 Ålesund. Du kan også sende elektronisk til postmottak@alesund.kommune.no eller via vårt digitale skjema.

Meiner du at Skatteetaten sin bustadverdi (formuesgrunnlaget) er feil, må du kontrollere opplysingane Skatteetaten har om bustaden din: Primærareal (P-ROM), byggjeår, og bustadtype. Desse faktaopplysingane finn du under "Grunnlag for likningsverdi" i skattemeldinga. Husk å legge saman bustadsverdiane dersom det er fleire som eig bustaden saman.

Du kan eventuelt korrigere informasjonen sjølv i skattemeldinga. Endringar av slike faktaopplysningar vil normalt sett først få innverknad på eigedomsskatten året etter.

Les meir om dette på Skatteetaten sine nettsider.

Dersom du finn grunnlag for endring, og Skatteetaten endrar bustadverdien din, må du sjølv ta kontakt med oss i etterkant. Dette slik at vi får registrert endringane i systemet vårt.

Kommunen sender ut faktura på eigedomsskatt på fastlagde datoar. Den som står registrert som eigar på produksjonsdatoen for fakturaen, er dermed mottakar av denne. Dersom du nyleg har overtatt ein eigedom, kan det vere at du får ein faktura som tidlegare eigar burde vere ansvarleg for. Dette må du ta opp med meklar og tidlegare eigar.

Dette er på grunn av ein privatrettsleg avtale mellom deg og hytte-/nausteigaren. Dersom det ikkje finnast opplysningar hos oss om kven som eig bygninga, så er det grunneigar som i utgangspunktet må betale eigedomsskatten.

Ein måte å få denne avgifta over på hytte- eller nausteigar, er å tinglyse heimelsovergang på eigedomen.

Du kan òg undersøke om du får skilt ut ei festa tomt eller punktfeste. Når dette er gjennomført, vil eigedomsskatten bli flytta til rett eigar.

Eigedomsskatteloven tek ikkje stilling til privatrettslege avtalar.

Det er den som blir sett på som eigar av tomta som må betale eigedomsskatt. I utgangspunktet er det difor bortfestar (grunneigar) som er ansvarleg for eigedomsskatt på grunn, og festar ansvarleg for eigedomsskatt på bygningar og anlegg som høyrer til festaren.

For festeavtalar som varer utover 99 år, eller når festaren har ein einsidig og uavgrensa rett til å kreve forlenging av festeavtalen, må festaren sjåast på som eiger av tomta, og er difor ansvarlig også for eigedomsskatten på grunnen.

For å avgjere kven som skal betale eigedomsskatt for festetomt i det enkelte tilfelle, må ein difor sjå på den aktuelle festekontrakta jamført med reglane i tomtefesteloven.

Reglar om festetid, innløysing og forlenging av festeavtalar for bustad og fritidsbustader finn vi i tomtefesteloven §§ 7, 32 og 33. Kommunen har inga mynde når det gjeld tomtefesteloven. Ved langsiktige festeavtalar, typisk for bustad – og fritidsbustadar, vil det vere festar som må svare for eigedomsskatten.

Nokre eigedomar skal ha fritak, disse følgjer av eigedomsskatteloven § 5. Her inngår dei fleste kommunale og statlege eigedomar.

Andre eigedomar kan få fritak i medhald av eigedomsskatteloven § 7. Dette kan t.d. vere eigedomar eigd av velgjerande organisasjonar og stiftingar, t.d. sportsklubbar og museum, samt eigedomar med historisk verdi. Sjå neste pkt.: Søknad om fritak etter § 7a og b i eigedomsskattelova.

Fritak etter § 7c (for nye bustader) gjeld i 2 år frå året etter at bygninga er gitt midlertidig bruksløyve og/eller ferdigattest, slik det vart praktisert i tidlegare Ålesund kommune. Fritak i 2024 gjeld for nye bustadar som er tatt i bruk i 2022 og 2023.

Eigedomsskattelova § 7a og § 7b:

Ǥ 7 Kommunestyret kan fritaka desse eigedomane heilt eller delvis for eigedomsskatt:

a) Eigedom åt stiftingar eller institusjonar som tek sikte på å gagna ein kommune, eit fylke eller staten.

b) Bygning som har historisk verde.»

Kommunestyre har gjort følgjande vedtak om fritak etter § 7: 
"For 2024 kan eigendomar bli friteke i medhald av eiendomsskatteloven § 7:
§    7 a) Eigedom åt stiftingar eller institusjonar som tek sikte på å gagna ein kommune, eit fylke eller staten
§    7 b) Bygning som har historisk verde

Oversikt/liste over eigedomar som er aktuelle for fritak etter § 7 a) og b), sjå vedlegg til saken."
Eigarar/heimelshavarar som kan ha rett til fritak etter reglane i § 7 bokstav a og b, og som ikkje står på lista som følgjer dette vedtaket, kan søke kommunen om slikt fritak. 

Fritak etter §7a (PDF, 131 kB)

Fritak etter §7b (PDF, 81 kB)

Søknaden må vere skriftleg og sendast kommunen innan 01.06.2024. Søknaden sendas til: Ålesund kommune, Postboks 1521, 6025 Ålesund. Du kan også sende elektronisk til postmottak@alesund.kommune.no

Sjå Eigedomsskatteloven for meir informasjon.

Personar som på grunn av ein varig situasjon med sjukdom, invaliditet, rusproblematikk eller liknande årsaker har problem med å betale eigedomsskatten sin kan søke om nedsetting eller ettergiving, jf eigedomsskattelova § 28:
"Gjer særlege grunnar at det kom til å verta særs urimeleg om heile eigedomsskatten vart innkravd, kan skatten setjast ned eller ettergjevast av formannskapet."

Skattytaren har ikkje krav på nedsetjing eller ettergjeving. Dette avgjerast av formannskapet i kvart enkelt tilfelle, for eit år om gongen.

Søknad om nedsetting kan sendast til Ålesund kommune, Postboks 1521, 6025 Ålesund. Du kan også sende elektronisk til postmottak@alesund.kommune.no

Søknadsskjema (PDF, 180 kB) finn du her