• Kontantkassa er ei ordning, der du kan søkje om tilskot til minst ein organisert fritidsaktivitet.
• Ordninga gjeld for barn og unge i alderen 6-18 år i Ålesund kommune, og gjeld så langt midlane rekk.
• Nytta midlar kjem frå Kongsberg Maritime, Idrettskretsen og Ålesund kommune.

Dei som kan søkje om tilskot er:

• Lag/foreining, som idrettslag, korps, kor, lokallag, kulturskule og andre.
• Tilsette i kommunen, som helsesjukepleiar, miljøterapeut, lærar, barneverntenesta og andre.

• Barnet eller familien kan ikkje søkje sjølv. 

• Søkjaren må vurdere om familien er i ein slik situasjon at eit bidrag frå kontantkassa vil vere avgjerande for deltaking på aktiviteten eller ikkje. Det er barnet/familien sin situasjon som er avgjerande. Kontantkassa er ikkje meint som hjelp til lag og foreiningar som har utfordringar med å få inn kontingentar.
• Den som søkjer har ansvar for å følgje opp at barnet/ungdommen tek del i i aktiviteten det er søkt tilskot til.
• Vi ønskjer at det er to personar som er knytt til barnet/ungdommen som går god for søknaden. Den som søkjer skal hjelpe barnet til å hugse på å kome seg til aktiviteten. Oppfølging kan også innebere å sjekke at kontingenten er betalt eller liknande.

Det vert gjeve tilskot til:

• Kontingent/semesteravgift
• Turnering/cup
• Leir
• Lommepengar
• Utstyr for deltaking i fritidsaktivitetar
• Reiseutgifter til trening, t.d. busskort

• Ein kan søkje om inntil kr 2.400,- per person per år. Det er mogleg å søkje fleire gongar per år.
• Du må leggje ved dokumentasjon som fakturaer eller kvitteringar.

• Du kan søkje om tilskot på førehand. Då må du ettersende dokumentasjon.