Kultur- og idrettsprisen skal tildelast den som gjer ein særleg innsats for å fremje kultur- og idrettsarbeid og gjere kultur tilgjengeleg for innbyggarane i kommunen.
Alle innbyggarar, frivillige organisasjonar og kulturinstitusjonar i Ålesund kommune kan foreslå kandidatar til prisen. Forslag på kandidatar må ha god grunngjeving.

Kven kan motta prisen?

Prisen kan tildelast ein person eller organisasjon.
For å kunne få tildelt prisen må vedkommande vere busett i Ålesund kommune eller ha særleg tilknytning til kommunen. Mottakar av Kultur- og idrettsprisen får eit prisbeløp på kr 10.000,-, arbeid av lokal kunstnar til verdi rundt kr 4.000,- og eit diplom.

Kven avgjer kven som skal få prisen?

Komite for kultur og medborgarskap behandlar og tildeler prisen. Komiteen kan også velje kandidater som ikkje er foreslått av andre.

Utdeling av prisen

Kultur- og idrettsprisen blir delt ut på kommunestyret sitt desembermøte.

Ungdommens kulturpris skal tildelast som motivasjonsfaktor og påskjønning til den som har utmerka seg gjennom kulturell utfalding eller skapande verksemd.
Alle innbyggarar, frivillige organisasjonar og kulturinstitusjonar kan foreslå kandidatar til prisen. Forslag på kandidatar må ha god grunngjeving.

Kven kan motta prisen?

Ungdommens kulturpris kan tildelast enkeltpersoner 14-25 år, eller grupper av ungdom i denne alderen.
For å kunne få tildelt prisen må vedkommande vere busett i Ålesund kommune eller ha særleg tilknytning til kommunen.
Mottakar av Ungdommens kulturpris får eit prisbeløp på kr 10.000,-, arbeid av lokal kunstnar til verdi rundt kr 4.000,- og eit diplom.

Kven avgjer kven som skal få prisen?

Ungdomsrådet behandlar og tildeler prisen. Rådet kan også velje kandidater som ikkje er foreslått av andre.

Utdeling av prisen

Ungdommens kulturpris blir delt ut på kommunestyret sitt desembermøte.

Ålesund kommune sin kunstnarpris skal tildelast kunstnarar på høgt nivå eller særleg talentfulle unge kunstnarar.
Alle innbyggarar, organisasjonar og institusjonar i Ålesund kommune kan fremje forslag om kandidater til prisen. Forslag på kandidatar må ha god grunngjeving.

Kven kan motta prisen?

Kunstnarprisen kan tildelast biletkunstnarar, brukskunstnarar, filmkunstnarar, forfattarar, komponistar, scenekunstnarar, tonekunstnarar og andre som tilfredsstiller kunstnariske krav.

For å kunne få tildelt prisen må vedkommande vere busett i Ålesund kommune eller ha særleg tilknytning til kommunen.
Mottakar av Kunstnarprisen får eit prisbeløp på kr 10.000,-, arbeid av lokal kunstnar til verdi rundt kr 4.000,- og eit diplom.

Kven avgjer kven som skal få prisen?

Komite for kultur og medborgarskap behandlar og tildeler prisen. Komiteen kan også velje kandidater som ikkje er foreslått av andre.

Utdeling av prisen

Kunstnarprisen blir delt ut på kommunestyret sitt desembermøte.

Heidersprisen skal tildelast som heider for betydningsfull, samfunnsnyttig innsats for innbyggarar i Ålesund kommune. Prisen er ei påskjønning for utført arbeid, og som kan vere ei oppmuntring til å halde fram det gode arbeidet. Alle innbyggarar, organisasjonar og institusjonar i Ålesund kommune kan fremje forslag om kandidater til prisen. Forslag på kandidatar må ha god grunngjeving.

Kven kan motta prisen?

Heidersprisen kan tildelast enkeltpersonar, grupper av personar, lag eller organisasjonar. Den kan ikkje tildelast offentlege institusjonar eller landsomfattande organisasjonar som hovudsakleg finansierer arbeidet sitt med offentlege midlar.

For å kunne få tildelt prisen må vedkommande vere busett i Ålesund kommune eller ha særleg tilknytning til kommunen.
Mottakar av Heidersprisen får eit prisbeløp på kr 10.000,-, arbeid av lokal kunstnar til verdi rundt kr 4.000,- og eit diplom.

Kven avgjer kven som skal få prisen?

Kvart kommunedelsutval har ansvar for å få nominert ein kandidat frå kvar kommunedel. Kommunedelsutvala kan også velje kandidater som ikkje er foreslått av andre.
Formannskapet vel ut ein vinnar og tildeler prisen.

Utdeling av prisen

Heidersprisen blir delt ut på kommunestyret.

Miljøprisen skal tildelast for særskild innsats for berekraftig miljø, her under klima- og energitiltak. Alle innbyggarar, organisasjonar og institusjonar i Ålesund kommune kan fremje forslag om kandidater til prisen.

I grunngjevinga bør det forklarast korleis den nominerte har betra det fysiske miljøet og/eller redusert klimagassutslepp.

Kven kan motta prisen?

Prisen kan delast ut til enkeltpersonar, organisasjonar, barnehagar, skular og offentlege og private verksemder/bedrifter som har utmerka seg på miljøområdet, og som bidrar til at Ålesund kommune når klima- og miljømåla fram mot 2030.

Mottakar av Miljøprisen får eit prisbeløp på kr 10.000,-, arbeid av lokal kunstnar til verdi rundt kr 4.000,- og eit diplom.

Kven avgjer kven som skal få prisen?

Komite for teknisk, miljø og samferdsel behandlar og tildeler prisen. Utvalet kan også velje kandidater som ikkje er foreslått av andre.

Utdeling av prisen

Miljøprisen blir delt ut på kommunestyret sitt desembermøte.

Byggeskikkprisen, er ein heider for å motivere til og å verdsette arbeidet med å betre byggeskikken i kommunen. 

Kven kan motta prisen?

Byggeskikkprisen kan tildelast huseigarar og byggherrar for arbeidet deira med nybygg, tilbygg, uteanlegg eller rehabilitering. Byggeprosjekt må utmerke seg med god arkitektur, vere tilpassa omkringliggande bygningsmiljø, eller vise respekt for lokal byggeskikk, handverkartradisjon og verdiar i landskapet. 
Prosjektet må vere fullført i løpet av dei siste 10 åra før tildelingstidspunktet.

Byggeskikkprisen skal primært tildelast kvart år. Prisen er ein plakett med innskrift, berekna for å feste til bygget, og eit kunstnarisk diplom. 

Kven avgjer kven som skal få prisen?

Det er planutvalet som behandlar og tildeler prisen. Utvalet kan komme med eigne grunngitte forslag. Det kan søkast fagkyndig bistand før vedtak. 

Utdeling av prisen

Byggeskikkprisen blir delt ut på kommunestyret sitt desembermøte.