Draumesommar 2023

I sommarferien kan du få bli med oss på uforgløymelege eventyr. Turane er tilpassa ulike aldersgrupper, og deltakarane kan få oppleve alt frå surfesafari på Stadt til fjellturar ved Yste Skotet og den store festen i Norddalen. Her dannar vi minner for livet, og kven veit, kanskje du møter ein ny venn – eller ti!

På turane, som skal foregå i vekene 31, 32 og 33, ser vi helst at mobiltelefonen blir igjen heime. Vi skal ha det så kjekt saman at den blir ikkje sakna!

Veke 31: Eventyrtur til Ytste Skotet!

Ytste Skotet

Ta på deg vesten, snør igjen snippsekken og bli med på ein eventyrleg tur til Ytste Skotet.

Her vil du få oppleve ei reise tilbake i tid, og få utforske verda slik som Askeladden gjorde. Vi kjem til å bu og leve som dei gjorde fleire generasjonar tilbake med stell av dyr, fiske, fyre bål og lage mat. Det vil og bli mykje leik og moro: vi kan bade i elva, gå turar i fjellet, leike i tarzan-løype og mykje meir.

Aldersgruppe 12-16 år.

Veke 32: Den store festen

Norddalen

Denne veka dreg vi til Norddalen, der vi bur på den gamle prestegarden.

Dette vert ei veke fylt med masse flotte aktivitetar, der vi på slutten av veka arrangerar den store festen. Her vert det utkledning, dans og teater. Vi må skaffe mat hos den lokale bonden og lære oss skikk og bruk frå gamle dagar.

Vi skal sove på låven, og det vert mykje rom for leik og moro - padling, sykling og sjølvsagt bading står på lista. Det vert og høve til å prøve seg som skodespelar, og vere med på å lage teater og film.

Bli med på ei veke du seint vil gløyme!

Aldersgruppe 6 – 12 år.

Veke 33: Surfesafari til Stadt

Surfarar på safari på Stadt

Bli med på ein tur du aldri vil gløyme: Stadlandet – hav, strand og fjøre

Hovudaktiviteten vert tre dagar med sufring, og vi har med oss dei dyktige surfeinstruktørane frå Ervik surf shop.

Elles skal vi utforske Stadtlandet med ei mengde aktivitetar. Vi skal fiske og lage mat på bål, rydde plast frå have og snekre med drivved. Du får også høve til å prøve skating, klatring, snorkling, SUP (stand up padle board), fjellturar og – om du tør: utforske dei gamle bunkerane i Ervika.

Vi kjem til og bu anten ute i telt eller inne på Ervik skule – det kjem an på veret.

Aldersgruppe: 14 - 16 år.

NB! Du må kunne å symje!

Pris

Sjølv om vi vil gjere ferietilbodet så tilgjengeleg som råd, koster det  litt å delta. Her kan du se prisane for 2023: 

Påmelding

Meld deg på Draumesommar 2023

Det er mogleg å melde seg på fleire turar, så derfor er det kjekt å skrive ei prioritering over turane du meldar deg på.