Alle som bur i Ålesund er aktive og engasjerte ​i eige lokalsamfunn. Her er det tenestane og møteplassane som gir tilhøyrsel, mangfald og trivsel.

Innbyggarane i Ålesund skal vere aktive og gjere sunne val for si eiga helse.

Vi tek aktive grep for å meistre livet og daglege aktivitetar. Det gjer vi også når livssituasjonen endrar seg og livet byr på ekstra utfordringar for oss sjølve, eller nokon vi har omsorg for.

Vi opplever god livskvalitet når vi kan bidra med våre evner og ressursar i kvardagen, arbeidslivet, barnehagen, på skulen eller i aktivitetar.

Alle treng ein trygg heim. ​Dei som ikkje mestrar å skaffe seg eigen bustad, kan søkje om nødvendig støtte og rettleiing.  

Innbyggarane i Ålesund skal leve godt i eigen heim​. Mange vil i periodar av livet trenge praktisk støtte og rettleiing i heimen for å kunne oppretthalde gode kvardagar. 

Dei som har forbigåande eller konstante helseutfordringar, oppnår raskare rehabilitering/habilitering når det skjer heime og vert tilpassa kvardagen for den enkelte.

Innbyggarane i Ålesund har tilgang til ulike buformer, tilpassa eigne behov.

Har du i periodar omfattande behov for helse- og omsorgstenester, får du tidsavgrensa opphald i institusjon.

Innbyggarar som har vedvarande behov for døgntenester, får tilgang til tilrettelagt bustad der det er individuelt tilpassa tilgang på tenester med spesialisert fagkompetanse.

Innbyggjarar med omfattande helse- og omsorgsbehov får heildøgns omsorg, når hjelpetiltak på lågare trinn ikkje lenger gjer dei i stand til å bu trygt i eigen heim.

Har du ulike utfordringar får du tilgang til spesialiserte butilbod​.