Ergoterapi for barn og unge

Ergoterapeutar har fokus på førebygging og tidleg innsats for å fremme aktivitet, deltaking og inkludering for barn og unge med ulike utfordringar i kvardagslivet. Dei utviklar seg og lærer gjennom leik og aktivitet i samspel med sine fysiske og sosiale omgjevnader.

Mange blir hindra i å delta i leik og fritidsaktivitetar i skule og nærmiljø fordi dei ikkje meistrar dei krav og forventningar som blir stilt til dei. Tidleg intervensjon er viktig for å sikre ei god utvikling og krev tett tverrfagleg samarbeid. Oppfølging kan vere på helsestasjon, i barnehage, skole og heime for barn som opplev aktivitetsvanskar.

Kva tilbyr vi?

Dette kan ein ergoterapeut bidra med:

• Ergoterapeutar gjer kvardagslivet mogeleg for enda fleire.
• Ergoterapeutar finn løysingar når det blir et gap mellom helsa og kvardagens krav.  
• Ergoterapeutar er meir opptatt av løysningar enn av problem og leitar etter ressursar. Difor startar ergoterapeuten med å spør om kva som er viktige aktivitetar i livet ditt – og korleis du vil delta.
• Ergoterapeutar kartlegg personens ønsker og mogelegheiter for aktivitet og deltaking. Ergoterapeutar støttar deretter personen si meistring med motivasjon og trening av konkrete aktivitetar.
• Ergoterapeutar foreslår enklare aktivitetar og tilpassing av aktivitetar. Vi bidreg til inkluderande omgivnader. Saman med deg finn ergoterapeuten løysningar som gjer at du kan leve eit aktivt liv og delta i samfunnet. 

Ergoterapeuten:

• Har kompetanse på samspel mellom person, aktivitet og omgjevnader som bidrar til deltaking og inkludering.
• Kartlegg barnet sine ressursar og utfordringar i daglege aktivitetar i skole og fritid, gjerne i samarbeid med fysioterapeut. Vidare kartlegg ergoterapeutane handmotorisk og sansemotorisk funksjon.
• Nytter aktivitet og leik i trening for å bidra til meistring i dagleglivet.
• Rettleier barnet, ungdommen, foreldre, barnehage og skole om leik, kvardagsaktivitet, deltaking og inkludering på ulike arenaer.
• Kartlegg og legg tilrette i omgjevnader for å kompensere for redusert eller tapt funksjon.
• Legg tilrette dei fysiske omgjevnadene ved hjelp av tekniske hjelpemiddel og velferdsteknologi. 
• Rettleier om universell utforming av blant anna skolar og barnehagar. 

Korleis få tenesta?

Tilvisingsskjema fyllast ut av deg sjølv, pårørande eller helsepersonell og sendast til tenesta. Føresette kan også ta kontakt med barnet sin helsestasjon for å få kontaktinfornasjon til ansvarleg ergoterapeut.

Tilvisingar som kjem inn til tenesta blir vurdert og prioritert ut frå alvorsgrad og hastegrad etter den same prioriteringsnøkkelen i heile kommunen.

Tilvising ergo- og fysioterapi for barn

Merk at det kan vere ventetid på tenesta.

Fysio- og ergoterapi prioriteringsnøkkel

Pris

Tenesta er gratis.

Kontakt

Vakttelefon for fysio- og ergoterapi: 909 72 546.  Måndag – fredag kl 09.00 – 14.00