Den som ikkje klarer å nyttegjere seg det vanlege grunnskoletilbodet for vaksne, har rett til spesialundervisning. Sjå Utdanningsdirektoratet sine sider om spesialundervisning for vaksne.

Vaksne som har behov for opplæring for å kunne utvikle eller halde ved like grunnleggande ferdigheiter, kan også ha rett til spesialundervisning.

Skolen gir tilbod til vaksne med:

• medfødt eller erverva funksjonsnedsetting
• språk- og talevanskar, afasi
• synshemming
• høyrselshemming
• spesifikke lærevanskar

Før skolen gir tilbod om spesialundervisning, skal PPT utarbeide ei sakkunnig vurdering.

Grunnleggande ferdigheiter i grunnskolefag

Skolen gir tilbod om opplæring i grunnskolefaga norsk, engelsk, matematikk, samfunnsfag, naturfag, og i grunnleggande ferdigheiter som

• Kommunikasjon
• Lesing/skriving
• Rekning
• Digitale ferdigheiter/bruk av IKT
• ADL (dagliglivets aktivitetar)
• Synshemming
• Mobilitet
• Punktskrift
• Dataopplæring
• Synspedagogisk opplæring
• Opplæring i bruk av diverse hjelpemiddel

Høyrselshemming

• Opplæring i teikn som støtte for tale
• Lyttetrening etter CI

• Språk- og talevanskar
• Stemmevanskar
• Taleflytvanskar
• Munnmotorisk trening
• Logopedi ved nevrologiske sykdommar

I tillegg til spesialundervisning for vaksne, gir skolen også tilbod om logopedi for barn.

Du søker til Ålesund vaksenopplæring.

Søk om spesialundervisning

Det er Ålesund vaksenopplæring som har ansvar for spesialundervisning.

Undervisninga blir hovudsakleg gitt på skolen si avdeling i Åsesvingen 14.