Vil du vere møtefullmektig i forliksrådet?

Shutterstock

Forliksrådet er det lågaste leddet i rettssystemet for sivile saker og er ein meklingsinstitusjon med avgrensa domsmynde.

Ved kvart forliksråd skal det vere eit utval av faste møtefullmektigar for forliksrådet. Tal på medlemmar i utvalet vert tilpassa saksmengda i forliksrådet og kommunen sit innbyggartal. Møtefullmektigane vert oppnemnde av kommunen kvart fjerde år  og har funksjonstid like lenge.

Vi har felles forliksråd for kommunane Ålesund, Haram, Giske og Fjord. I perioden 2021-2024 har vi hatt fem faste møtefullmektigar, men i perioden 2025-2028 treng vi fleire.

Kva gjer ein møtefullmektig?

Som møtefullmektig representerer du ein part som ikkje kan møte opp i forliksrådet sjølv. Møtefullmektigen framfører argumenta i saka på vegne av parten hen representerer og kan inngå forlik etter fullmakt frå parten.

Du representerer berre den parten som oppdraget kjem frå, og skal i den enkelte saka vere uavhengig av andre interesser enn partens.

Kven kan bli møtefullmektig? 

For å bli møtefullmektig må du vere over 25 år, ha alminneleg god kunnskap om samfunnet og beherske norsk skriftleg og munnleg.

Du treng ikkje bu i kommunen.

Godgjersle

Som møtefullmektig får du godtgjering for arbeidet.

Maksimal godtgjering til møtefullmektig tilsvarar maksimalsatsen for møtegodtgjøring i samsvar med tvistelova § 6-13 første ledd bokstav c og bokstav e. Godtgjeringa vert dekka av vedkommande part. 

Vil du vite meir? 

• Dette skjer i forliksrådet (politiet.no)
• Om forliksrådet (regjeringen.no)