Ta våroppryddinga ute med Rusken-aksjon

Gi beskjed om henting av innsamla avfall seinast to verkedagar før henting til e-post: post@attvin.no

Her skal du melde inn:

• Arrangør (til dømes ei velforeining eller skule).
• Kontaktperson for hentinga.
• Fullt namn og telefonnummer.
• E-postadresse.
• Nøyaktig henteadresse. Berre eitt hentepunkt.
• Ønska hentedato i samsvar med renovasjonskalender og vekedag for henting i dykkar sone i veke 18 eller 20.

Har de ikkje ei arrangementside for ryddeaksjonen,  så lag ei her på nettsida til Friskus.

Henting av Rusken-avfall

• Henting av avfall skjer berre etter avtale. 
• Kommunen vil hente avfallet på vanleg renovasjonsrute for restavfall, maksimalt fem meter frå vegkant der renovasjonsbilen køyrer. 
• Rusken-avfallet må vere samla i handterlege sekkar (gjennomsiktige), og vere sett fram til køyrbar veg. Sekkane skal ikkje innehalde større gjenstandar, stein, metall, elektronikk, farleg avfall eller hageavfall.
   MERK: Avfall som ikkje er i sekk, vert ikkje tatt med. Dette må ein sjølv bringe til ein miljøstasjon. Levering av slikt avfall må meldast inn og godkjennast på førehand. 
• Dei som ønsker å delta i oppryddinga, må sjølve sørge for gjennomsiktige avfallssekkar. 
• Hageavfall kan leverast gratis på miljøstasjonen din heile året. 

Husk at Rusken-aksjonen ikkje er for avfall frå strandrydding. Her er det eigne ordningar gjennom Hold Norge Rent. Sjå www.ryddenorge.no for meir informasjon.