Torill Myren

Ved kommunesamanslåinga i 2020 skjedde det ei rekke endringar på både vegnamn, adresser og gards- og bruksnummer. Når dagens Ålesund frå 1.1.2024 blir splitta i nye Haram og nye Ålesund kommunar skjer det derimot fint lite når det gjeld desse tinga.  

Her følger ei kort oppsummering av kva som vil skje:

• Den nye kommunegrensa vil gå på same stad som den var før samanslåinga i 2020.
• Ingen vegnamn eller husnummer blir endra og ingen adresser skiftar postnummer.
• Det er to gjennomgåande vegar som blir delt i den nye kommunegrensa, men vegnamn, husnummer og postnummer vil bli vidareført. Dette gjeld:
  • Kleivavegen, som kun har husnummer i nye Haram kommune (97-175-10-76 = 6264 Tennfjord)
  • Stettevegen, som får husnummer i begge kommunar (nye Ålesund; 73-405, 76-440 = 6260 Skodje og nye Haram 669-745 = 6264 Tennfjord)
• Gards- og bruksnummer vil bli uendra i begge kommunar. Gardsnummer 303-481 blir liggande i Haram kommune, resten blir i Ålesund.
  Er du usikker på kva gards- og bruksnummer er? Då kan du lese meir om det her.

Nye kommunenummer

Ved delinga blir kommunenummer 1507 Ålesund historisk og følgande nye kommunenummer vil vere gjeldande:

• Kommunenummer 1508 Ålesund
• Kommunenummer 1580 Haram