Det har vore gradvis aukande lekkasje frå sjøleidninga til Ona i løpet av romjula, og det siste ruskeveret gjorde at leidninga gjekk i brot.
Utviklinga har vorte – og blir – følgd tett gjennom overvakingsutstyr, og fredag morgon var høgdebassenget 98 prosent fullt. Vassreserven er dermed god og det er vatn til om lag ei veke ved normalt forbruk utan at det trengst påfylling. Vi oppmodar likevel folk om å ikkje sløse unødvendig med vatn.
Planen vidare er å få ned dykkar, for å finne og utbetre feilen så fort verforholda tillet det. Det blir også sørga for at tankbil og sjåfør er standby og klar dersom det skulle bli behov for å køyre ut vatn.